LUKAS 20:36 - PERJANJIAN BARU NALCA YUBA

³⁶ Sikja nong somoknaʾ ara orokaʾ anyek, lero anaso ulumnemak. Sikda somoknaʾ ak ab sam seleb suboka embengaʾ bukiyiwanasilaʾ anasa, sikda Imik Neyung alja yokaʾ mab ek ulumnemak.

LUKAS 20:36 Referans Kwoze

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

MATIUS 22:30

Dara, nim embengaʾ subnemak sum era, sikda nidyaʾ gela donaʾ loboka, imik heikek sam ulumak lero nang enesoʾ anyek salyaʾ ulumnemak.

WAHYU 20:6

Nimi nidyaʾ Imik Neyung mab ulumek bok, men somogorob nimi men subnemak nim era, or pe uboka, munaʾ ulumnamak. Nim eimik hnon sounuwoka somoganamaknya nera sikenek ara hnon mekaʾ bebeganggunusil. Sik nong ara, Imik Neyung ab, Kristus ab dadya, yuba wa gak nim ulumnemak dara, sikda hiboka Imik Neyung ab neikaʾ seribu badya gibnaʾ salek era, nimi nidyaʾ ak wenewoka bo ulumnesak.

1 KORINTUS 15:42

Anasonya neikik somogorob nimi nidyaʾ embengaʾ bukiyiwanasil sum enyek unuwanasil. Somogek sum soko loksik nong era, songa leboka blololanya nek urob, bok sikenek eimik subija danyek ongiyiwanasil nong era, songa leboka blobnenggunusil nong ek eleganesil.

WAHYU 22:9

alda nak lebokja, ”Anaso ununggom, mem! Nara an soʾ ak uboka, anjaʾ hemyab ununumnaʾ lelemek nanga hnon, onoʾ nimi nidyaʾ ban buku enyek an momnya dobok yub ek dib senewoka ulumak nang enesonya. Alda Imik Neyung ak ok hnonok gibnelam!” hyok.

1 KORINTUS 15:26

Dara, hyak eimik nongnya nera, Imik Neyung adya hyak senenggomaʾ nunja isaʾ nimi somoknaʾ damok dubnya nera orok nenewanamla.

MARKUS 12:25

Anasa wera, embengaʾ suboka buknemak sum era, nim ara gela nenya doldanggulumnemak bok, imik heikek lero nang enesoʾ anyek, ulumnemak.

1 KORINTUS 15:49

Nunda wenera, soko adya uyimoknya Adam bedya hogung enesoʾ ak ulumab sok, eimik era, nunda imik ab sam yeilimoknya bedya hogung enesoʾ ak ulumnemab.

ROMA 8:16

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.