LUKAS 2:7 - PERJANJIAN BARU NALCA YUBA

⁷ Sikja man e nera gloʾ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaʾ eleklemekaʾ ak sam meiyimok.

LUKAS 2:7 Referans Kwoze

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

MATIUS 1:25

Bok Maria gera Yesus anam beibnenggumok salek, Yusuf bera Maria gek ara mekaʾ bokaʾ denewanggumok. Anya wera Maria gera bomok me nera beibuk dara, Yusuf bedya me si ara Yesus aboka sibuk.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MATIUS 13:55

”Alda e sonaʾanya bedya me gom de? Aljaʾ genong gera Maria ge uboka, alja weisab era Yakobus, Yusuf, Simon beb, Yudas beb, unggulumak de?

LUKAS 10:34

Dara ok berem biniboka, alja omek menengaʾ mek elegoka, ngiknaʾ mek adya ngikoka, kenaʾ adya keboka hwemok. Ban nen seleb unubgogowok dara, alja abaksin pam ek bukiyiwok dara, dekoka man ek bo biniboka, meewoka hwero bo mabok.

LUKAS 2:6

Wera sikda heik enyek an lanel birik sum enyek, Maria gera me beilin salek oka dok.

LUKAS 2:8

Dara an inimnek era, mok enyek anara salyaʾ mab lorobaʾ ak, domba pama beiyiboka yakna nanga hnon, sikja pama bo ulumek.