LUKAS 2:51 - PERJANJIAN BARU NALCA YUBA

⁵¹ Wera alda, alja neyung genong ab neikaʾ Nazaret heikek byik. Dara Yesus ara sikjaʾ gangganek ab pe ulumok. Bok ban nidyaʾ unulumoknya nera, alja genong gera ganya lomok sam pe seiniwoka bo ulumok.

LUKAS 2:51 Referans Kwoze

LUKAS 2:19

Bok Maria gek dara, ban nidyaʾ wenyamekaʾ anyek, ganya lomok boboka, seiniro ulumok.

MARKUS 6:3

Ban benera alda Maria gedya me e sonaʾanya gom de? Alja weisab era, Yakobus beb, Yoses beb, Yudas beb, Simon benya arob nang unggulumak de? Yo anasa, al hmal gelewa eneba, anyagan neikaʾ unggulumab de?” Wenyaboka, sikda Yesus ak soloma daboka lek senemek.

1 PETRUS 2:21

Ban nenesa leboka, Imik Neyung ara ugunuk youbsuk. Anasa Kristus ara ugunsamba leboka somogookanya, ugunda alja unaʾ diliwoululumaʾ aboka, alda ugunsamba pik dibaʾ yarawousuk.

MATIUS 3:15

Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.

EPESUS 5:21

Ugunda Kristus ak lok ganya boboka, ugun moumen anaba ganya sokok nenebdangoka pe keldalalulum.

LUKAS 2:39

Wera Yusuf Maria ara, Wenelesilnya bedya unuwanalum aboka unuwanalum an yub ak sam lemoknya nera sunuwoka seleb unubgogowarek dara, sik ulumekaʾ ak, Nazaret heikek Galilea sokok sam birik.

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

MARKUS 1:9

Ban salek enyek, Yesus ara Galilea moka sokok Nazaret heikek abaʾ ara, Yohanes meka dalasukaʾ ak sam yeilimok dara, Yesus anaba Yordan mek ek meka damok.

LUKAS 4:16

Dara, alda al beiyiboka nemok heikek, Nazaret heik biniboka, alda sob ulumok sok, Sabat mem sum era, Yahudi nim edya yuba don ek wekoka, yub einiwoununaʾ aboka sekemok.

LUKAS 4:23

Dara, alda sikenek, ”Ugunda nak ban bol nenenaʾ yub enyek wenyhenenulumaʾ ara, ’Wei, hwelesilimnya o, an damnya hweldalalom. Nidyaʾ yokaʾ-yokaʾ hyak lok soʾ anyek, Kapernaum heikek seleb unululumaʾ kelemoubaʾ ara, wera anyek anjaʾ meneng mok ok an, anyeganyebaʾ unululom henenulumaʾ anyaʾ,” hyok.

LUKAS 18:37

Dara yok nim edya benyek an, ”Nazaret mok ebnya, Yesus anyek pik enyegan yabalamla,” hyek.