LUKAS 2:34 - PERJANJIAN BARU NALCA YUBA

³⁴ Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

LUKAS 2:34 Referans Kwoze

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

MATIUS 21:44

Nimi nidyaʾ girik enyek an malyingginimak nim era, soldowoka denghenemaakanya, girik enedya obnesil nim era, onoʾ on girik enedya youboka aso danamak,” hyok.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.

IBRANI 7:7

Nimi nidyaʾ benera perobaʾ danamla aboka ouma debnaʾ ara, imik ululanya bedya meksonya bek unulumak ara, sondaʾ lebnenggunuseng!

ROMA 9:32

Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek,

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 24:5

Nunja laga gaboka eillilimab ara Paulus bek dara, alda hyak soko me yok-yok soko nidyaʾ alja adya malya nenewoka dolul meneklamla. Onoʾ alda Nazaret mok eb lanabok mal gaknya ulumla.

RASUL 17:6

Wera sikda Paulus beb, Silas beb, elem lomek dara, nimi si Yason beb, yok nang Imik Neyung ak dib senemek nanga hnon, salawoka heik dam nang ek gliboka bo balamek. Dara, sikja lelemek yub era, ”Ban nang danara mok soko me nidyaʾ malyaʾ nenero yabalamek nang era an. Wera nunja heikek an bobo yanggak an,” aboka lelemek.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 4:26

Wenelesilnya, alja nimi blebiyiwanesilaʾ dubnya Kristus beb, sikenek sokok sam dub nang nidyaʾ obdanob aboka gegelemak. Dub nang nidyaʾ adya neikaʾ hiboka, sikenek mala weboka obdanob aboka gegelemak, ara Daud bedya lemok adya lelum,” aboka lelemek.

YOHANES 5:18

Wera Yesus adya ban wenyaboka lemok yub edya, Yahudi nang era, hyak Yesus ak obnobaʾ aboka nauba so yeiriwoka dulumek. Dara, nera Sabat mem sum bok, nimi bleboka hwelesuk amba ok gom. Onoʾ alda, Imik Neyung ara nadya neyung aboka lena adya, wera nera Yesus ara, Imik Neyung nonga gebeldalamla senewoka, dulumek.

YOHANES 3:20

Nimi be hnon malya ululanya bera, dilinaʾ ak lek senelamlakanya, alja unulamla anyek laga danalyek aboka, dilinaʾ ak sam yangganggulumla.

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

IBRANI 7:1

Melkisedek bera Salem moka dubnya uboka, Imik Neyung hyak imik ululanya bedya yuba wa gaknya ulumok. Abraham bera yok-yok soko dub nang ek oblamagoka yanggok dara, wera Melkisedek bedya pika diboka ouma demok.

RASUL 28:22

”Bok, nidyaʾ yok-yok sokok ara, anja dololam yub anyek malya nenelesak ella ulumab anasa, anja dib senewoka dololam anyek, kebnob aboka diri ulenjab,” hyek.

LUKAS 2:35

Dara nimi nauba ganya lomok laga doululaʾ aboka, onoʾ anak dara, yok mal edya anja ganya nong ak doluganenggel,” hyok.