LUKAS 2:33 - PERJANJIAN BARU NALCA YUBA

³³ Wenyek Simeon bedya alsamba wenyaboka nidyaʾ geklewoka lebokaʾ anyek, alja neyung beb, genong geb dara, hyak salya lebla senewoka ganya loka dabsuk.

LUKAS 2:33 Referans Kwoze

LUKAS 2:48

Wera aljaʾ neyung genong ara, Yesus adya ban unulumok anyek eiyirek dara, hyak ganya lok dasuk. Dara alja genong gedya Yesus ak, ”Anda hekasa nuk ara anaso unulusilim do? Anja neyung beb, nab dara, nunda anak ilil ganya boboka elenggenem bar,” hyok.

MATIUS 8:10

Yin bonaʾ dubnya bedya ban wenhyok yub enyek, Yesus ara kebok dara, hyak seilinya senewok. Anya alak diriga ban nang anyagan ulumekaʾ ak, ”Ban benyek na lokja. Nimi nidyaʾ Israeli nimi gangganek sam ara, ban dib senen ganya enera hnon mekaʾ eibnenggumsa!

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

LUKAS 9:43

Nimi nidyaʾ ara, Imik Neyung adya senenggom migib unulamlaʾ anyek eiyimek dara, hyak lok ganya bomek. Nimi nauba ara, Yesus adya lok so unulumokaʾ anyek eiyiboka, anam lok ganya boboka ulumek salek, Yesus adya alja yuba doro diriga ban nang ek lebokaʾ ara,

LUKAS 20:26

Wera Yesus adya wenyaboka lebokaʾ nong adya, anyagan wekemek nang edya dara, Yesus ara ban malya unaʾ enyek okoka dib unuwokaʾ damok ara eibnenggumek. Sikda Yesus adya pe lelemok yub enyek dib lelemokaʾ anasa loka daboka yuba sanaʾ lomek.

LUKAS 2:18

Dara nimi nidyaʾ ara, pam beilinaʾ nang edya sikenek wenyaro yabalamekaʾ anyek kemek dara, hyak salyek nang senemek.