LUKAS 19:10 - PERJANJIAN BARU NALCA YUBA

¹⁰ Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

LUKAS 19:10 Referans Kwoze

MATIUS 1:21

Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

ROMA 5:6

Wera anasa, nunda anam hmeng ulusuk salek, Imik Neyung adya ban salek enyek senemokaʾ sunuwoka, Kristus ara nunda wonaʾ dangamoub nang emba seleb somogosuk.

MATIUS 15:24

Yesus adya sikenek lebsukaʾ ara, ”Nara Israeli nim enyek, malya dangoka weiningdangamek nim emba ok bokol yeilinyok,” hyok.

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

MATIUS 10:6

Alda Israeli nim ek ok binilum, dib nong ara sikenek malya dangoka weiningdangamek nim ek anyek okoka binilum.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:11

Anasa nimi dibaʾ me ara weiningdangamek nim ek blebnunaʾ aboka yeilimok!”

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

LUKAS 15:8

”Goma, gela hnon sagobadya rupiah beiyisobok, hnon gaboka weiningganamso dara, gela gera na rupiah aboka hekaʾ hubnamso do? Wera gera alja e sembejaʾ bokoka, wesaʾ yeboka yok pik nidyaʾ ero yabalamsoʾ ara eibnamso.