LUKAS 18:39 - PERJANJIAN BARU NALCA YUBA

³⁹ Men mengemek nim edya dara, benyek nauba waboka yuba sanaʾ gelegalom aboka lelemek. Bok henga lumnya bedya dara, hyak nauba bii aboka, ”Daud bedya me o! Angoo nak yadyek senewanelom e!” aboka lelemok.

LUKAS 18:39 Referans Kwoze

LUKAS 18:15

Nimi nauba sikja moum den mab eneba, soruka salawoka perobaʾ onowosululaʾ aboka, memabo Yesus ak bo yeilimek. Dara, Yesus alja yuba doro diriga ban nang edya anyek eibek dara, memabo bo yeilimek nang ek wabsik.

2 KORINTUS 12:8

Wera sabalaʾ manyokaʾ ak, gwenewanelom aboka, Imik Neyung ak liga winilya molobsiniwasa.

LUKAS 19:39

Wenyek Parisi nanga sik gangganek an ulumek nang edya Yesus ak, ”Neklesilimnya o, anja yuba doro diriga yalanjak nang ek yuba gelegolulum, helom,” hyek.

LUKAS 18:38

Dara heng lumnya bedya dara bii aboka, ”Wei, Yesus o, Daud bedya me. Angoo nak yadyek senewanelom e!” aboka lelemok.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 11:52

Ugun yuba sunuwoka yana lelelelum nang era, hyak omom nong nim ek ululum! Yokaʾ-yokaʾ ella dangan damba pik baknaʾ era, ugun an beibsuk bok, ugunja dara ella danganaʾ enyek eibnob senewoka e lomok weknaʾ ara lololum. Alda ugunja dara, yok nimi ella danganaʾ enyek dobnobaʾ dulumak nim anaba, pika garal meneklelum!” hyok.

LUKAS 8:49

Wera Yesus ara anam yuba salamok sab-sab, Yairus bedyaʾ ek ab oruknaʾanya ben hnon yeiniboka, Yairus bek, ”Neyung o, anja gelma era, seleb somogal. Anasa neyung, neklesilnya bek lobaʾ nenenggom, mem,” hyok.

MATIUS 7:7

”Mololemun dara, dorowanalum. Elemun dara, eiriwanalum. Pika glorum-glorum alamun dara, pika baknesil.

MATIUS 8:26

Wera anasa, Yesus adya sikenek ara, ”Ugunda hekasa lok ganya bolum do? Ugunda mekaʾ ok dib senelelum nang ululum!” hyok. Dara onoʾ Yesus ara sekoka, kaboʾ ab mek ab dara, namenaʾ dolul aboka lebok enyek, wera mek gwan era hyak namenaʾ dok.

MATIUS 9:27

Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.

LUKAS 18:40

Wera dara, Yesus ara balamokaʾ ara, sek loboka nim ek heng lumnya bera oka bo yoululum aboka orugosuk. Bera Yesus berem bo yek dara, Yesus adya alak heibuk,