LUKAS 18:32 - PERJANJIAN BARU NALCA YUBA

³² Nimi dibaʾ me nera alda doboka Yahudi gom nim ek eleganamak dara, wera alak lobaʾ nenewoka derewoka waboka, gamalaʾ solol golulumnemak. Dara ban nang edya alak nauba malya uboka oboka dibnemak dara,

LUKAS 18:32 Referans Kwoze

LUKAS 23:11

Dara, Herodes beb, alja yin bonaʾ dub nang eb dadya, Yesus ak hyak nauba eirigala nenewoka malya uboka saboka oboka, nauba derewoka walamekaʾ ara, sene dub nang akleng ongiyiwok dara, onoʾ Pilatus dubnya bek onsok saaboka bo bulululum aboka orugusuk.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

MARKUS 14:65

Dara nimi wene nim era, Yesus ak gamalaʾ solob goluwoka, alja heng ara, akleng adya norowoka soruk adya olomeekanya, lelemekaʾ ara, ”Wei, ununumnaʾ lenya o, anara heknedya olonggel do?” aboka lelemek. Anya, yin bonaʾ nang edyaʾ anaba, soruk wabnaʾ adya olomek.

MATIUS 26:67

Dara, sikda Yesus adyaʾ hogung ak gamalaʾ solob goluwoka, soruk winin adya saboka olomek. Hnonda nong pik hogung pik wabom-waboma olomeekanya,

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

YOHANES 18:35

Dara, Pilatus bedya Yesus ak, ”Alda Yahudi nang ulumla senelenelem de? Anak doboka nak bo yeilinjak nang era, anja meneng sokok nang eb, Yahudi yuba wa gakaʾ dub nang eb dadya unjak. Dara, hekaʾ men unuwolumaʾ anasa unjak goma?” aboka heibok.

YOHANES 18:30

Dara sikja, ”Alda malya unaʾ orok dara, alak unuwoka anda mok soko dubnya bek bo yanggunusibya,” hyek.

YOHANES 18:22

Yesus adya Yahudi yuba wa gakaʾ dubnya bek wenyaboka laga lelemok enyek, yin bonaʾanya hnon, ok berem seklemokaʾ ara, yuba wa gakaʾ dubnya bek anaso wenyanaʾ ara mem aboka, Yesus ak waboka omok.

LUKAS 23:35

Yahudi dub nang edya Yesus ak geklewoka derewoka walamek dara, anyagan seklemek nang era, ngolukdo seklemek. Walamek nang edya dara, ”Alda Kristus, nimi bleblulaʾ aboka, Imik Neyung adya aldib weboka domlya dara, yok nang ek seleb alja bleblesuk bok dara, wera al damnya saaboka blebdolul!” aboka lelemek.

LUKAS 23:1

Yesus ak henga gouboka bo biniboka wekemek nang era, nidyaʾ sekoka Yesus ak doboka sikda dubnya Pilatus bek bo byik.

MATIUS 27:2

Wera sikda Yesus ak gel heng adya goubeekanya, Roma nim dubnya Pilatus bek bo elegel byik.

YOHANES 18:28

Wera hyak lugunaʾ nong anam gwelegel yabok dara, Yesus ak doboka yuba dubnya bek ara mok soko damnya Pilatus bedya senenggom ek bo byik. Yahudi nim era, sikja perob sum denaʾ denemek bok anasa, nimigumaʾ blekibyek aboka, nimi henga gereksin dub ek ara Yesus al neikaʾ weknenggumek.

MARKUS 15:1

Hyak lugunaʾ nong dara, yuba wa gakaʾ dub nang eb, Yahudi dub nang eb, yuba neksin nang eb, yuba yana lelesin nanga nidyaʾ, ban nang dara, unuwanamab aboka yuba seleb sabek. Dara, sikda Yesus ak henga geregoka bo balameknya nera, Pilatus bek bo elegel byik.

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 22:6

Alda yok hnon nim edya dara, ban yuba bo bilimek nim ek saboka oboka hyak dibaʾ obek.

LUKAS 18:33

lika winilinya sum era, alda embengaʾ suboka buknamla,” hyok.

YOHANES 18:32

Ban unumoknya nera, Yesus adya alak somoganamokaʾ anasa, orowek al damnya unuwanenel aboka leldalamokaʾ anyek, gigiwolulaʾ aboka lebek.