LUKAS 18:11 - PERJANJIAN BARU NALCA YUBA

¹¹ Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

LUKAS 18:11 Referans Kwoze

MATIUS 6:5

”Ugunda heng uboka molowanamun dara, sene bol nenelemak nang eneso uro molonggom. Sikda nimi yok nim edya perob seneweisinokaʾ aboka deknaʾ gasaʾ ak gom, Yahudi nim edya yuba don e pik sekoka moloro yabalamak. Dara ban unulumakaʾ adya, wera sikda deknaʾ seleb dolomakaʾ anyek, ugunuk dib lebsin.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

LUKAS 20:47

Sikda you gelewa ek sondaʾ leiyiboka, bonaʾ nidyaʾ ara doldolosak, anya sikda pika irigildanaʾ dibaʾ ara, Imik Neyung ak mololdalamak dara, hyak waren nongaʾ anyek mololdalamak! Ban nang era hyak nauba igina kweboka gweklemnemak!” hyok.

PILIPI 3:6

Ban nenesa leboka, nauba yeirilamsakanya, Imik Neyung yuba donaʾ nimi nauba malya ura obsisa. Nak dara, unuwanalum an yuba donaʾ ak sam amba dara, nara hyak si gegena mekaʾ ponaʾ oroknya bek ulumsa.

MATIUS 5:20

Anasa ugunda banyek seiniwoka beknelumaʾ ara, ugunda Yahudi yuba neksin nang eb, Parisi nang eb danyek, Imik Neyung senelamlaʾ ununaʾ ak sam ara, sikja dara mek so bok, ugunjinya nenyek nauba so danggunumla dara, wera aldib ugunda Imik Neyung wenesin heikek binggunulum!” hyok.

MATIUS 10:3

Dara onoʾ Pilipus beb Bartolomeus beb Tomas beb, mok soko amba rupiah molowoka dolomoknya Matius beb, Alfeus bedya me Yakobus beb, anya hnonda Tadeus.

LUKAS 22:41

Dara onoʾ alda mok so girika nakna ek balamla sok so ak byuk. Anya koma lumugoka henga uboka mololemok.