LUKAS 16:9 - PERJANJIAN BARU NALCA YUBA

⁹ Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

LUKAS 16:9 Referans Kwoze

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

MATIUS 6:24

”Hnonnya bek ara nauba wanaʾ uboka yoknya bek ara lek senewanamsoʾ anasa, goma hnonnya bek ara malya senewoka, yoknya bek ara pe bojam ubnamsoʾ anasa, nimi ben hnon alda nimi penya nang emba aboka neikewenyek wa webnenggunumso. Anasonya neikik, ugunda Imik Neyung amba wa we, onoʾ bonaʾ amba wa we, ubnenggunusom.”

LUKAS 16:11

Anasa wera, sokok an bonaʾ enyek, ugunda pe bojam uboka wenaʾ orok dara, heknedya dib nong wak sam or weboka bo ulumnelum henesuso do?

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 11:41

Ugunjaʾ lomok sam ululanya nenyek, bonaʾ garan nim ek elegosululum. Ban unuwomunaʾ adya, wera ugunsamba yokaʾ-yokaʾ nidyaʾ geisa danasil.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

LUKAS 16:13

”Neiknya bedya nimi penya nang emba hiboka dara, wa pe webnenggunususo. Dara, alda hnonnya bek ara lek ganya boboka, onoʾ yoknya bek ara wanaʾ ubnamso. Goma, mennya bek ganya goluwoka, yoknya bek ara, dolbalek ganya bobnamso. Anasa, ugunda Imik Neyung wa we, rupiah wa we, ubnenggunusom,” hyok.

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

MATIUS 6:19

”Sokok an nim adya hokaʾ doboka, mura gluboka gereremaʾ delemlaʾ ak an, perob bonaʾ nauba ugun dam nang amba beilinggom, mem.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.

RASUL 10:4

Kornelius bera lero enyek lok anasa keebdaboka lemokja, ”Neyung o, hekaʾ ak ulumla do?” hyok. Wera danyek lero adya Kornelius bek, ”Anja molonaʾ ab, anja eleklelam ab, Imik Neyung saramek uboka alda perob senelamlakanya, onoʾ anak beklenggel,” hyok.

LUKAS 16:4

Wera ella dan! Nadya wa wenenaʾ loblom aboka gobdo gwab lobnenel dara, wen seininanya nenyek ubnya dara, nim edyaʾ e pik dero yabalemnamna.