LUKAS 15:22 - PERJANJIAN BARU NALCA YUBA

²² Bok alja neyung bedya alja wa wenaʾ nang ek yoululum aboka sikenek ara, hyak berra! Perob aklenga hnon doboka, alak ongiyiwanalum. Perob soubna damaʾ doronggiyiwoka, perob yan ongonaʾ ongiyiwanalum.

LUKAS 15:22 Referans Kwoze

WAHYU 6:11

Dara sikenek yok-yok ongon akleng hyak geisa nong anyek elegel yabasuukanya, sikenek anaso wenhyok, sikda or dek-deka soboka diri ul yabamunaʾ ara, sikja hemyab neik wa wen nang eb, sik kabo nang eb, sikja hemyabo men osik sok, nang en eimik neikaʾ amba leboka, nimi wene nang obnemak aboka eininaʾ anyek gigiwalya danyek anasa, or diri ublulum, hyok.

WAHYU 19:8

Anya nimi gel dobnamnaʾ anasa ongolomakaʾ melelaʾ namenaʾ uboka geisa perob akleng era, ongowolulaʾ aboka seleb alak an elegal,” wenyalamekaʾ ak kebsa. (Ban melelaʾ namenaʾ boksom era, munaʾ Imik Neyung mab adya, sikja perobnya unulumakaʾ ara an.)

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.

ROMA 8:15

Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

GALATIA 3:27

Ugunuk ara Kristus lomok meka dasuk nimi nidyaʾ ara, ugunda Kristus alja unun ganya boboka ululum.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

WAHYU 3:18

Anasa nadya dara, anak ara dub dalomaʾ aboka, nadyaʾ senedyaʾ yakaʾ meilik dangman enyek deklomaʾ aboka wenelenggen. Hnonda nong baneng uboka, alya ubgelyek anasa, nadya geisaʾ akleng enyek deklomaʾ aboka wenelenggen. Anya heng ek ngikoka, pe eiblomaʾ aboka heng hwenaʾ meka nak ab deknelam wenyalenggen.”

EPESUS 6:15

Imik Neyung adyaʾ perob lero yanggan yuba, ganya heklamlaʾ anyek, lero yabalemnamna senenaʾ anyek, ugunja ganya ak yan ongonaʾ dibaʾ ongowoka ulululum.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

LUKAS 15:21

Me nenedya lebnemokaʾ ara, neyung o, Imik Neyung ak hnon, neyung anak hnon, nara malya ubsisa. Nak ara nadya me henggununelem, hyok.

LUKAS 15:23

Seleb unubgogowoumun dara, mesaʾ nong sapi pam me nenyek doboka oboka youbmun dara, nunda eiya hlaboka neikaʾ dero weknemab.