LUKAS 12:35 - PERJANJIAN BARU NALCA YUBA

³⁵ ”Yokaʾ-yokaʾ unuwanamunaʾ ara, keebdangoka pe diri ubdangoka unulululum. Ugunda sobaʾ akleng ongobmoruwoka, ugunja wesaʾ era sobaʾ yebeldalalulum.

LUKAS 12:35 Referans Kwoze

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

EPESUS 6:14

Wera anasa, ugunda hyak pe diri uboka welsinilelulum. Ugunda perobaʾ nenesinaʾ anyek goukwa noronaʾ dibaʾ norowoka, jong ununaʾ anyek girik seng anasoʾ anyek enegoka, we seklelulum.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

PILIPI 2:15

Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

LUKAS 12:36

Wa welemna nim ek, sikja neyung be mok sam gela dol bilimnaʾ ara yanamna sum ek diri yuba kero ulumak sok ugumba unulululum. Sikjaʾ neyung bera yeiniboka pika baknenokaʾ aboka glorum-glorum al yaban dara, sikda keboka pika berra baklemak.