LUKAS 10:40 - PERJANJIAN BARU NALCA YUBA

⁴⁰ Bok Marta gek dara, gelewa ek welemak wa nenyek yeiriwoka webdibigemok. Danyek Marta gedya Yesus ak biniboka lebokaʾ ara, ”Wenelesilimnya o, anja Marta gera albeyok unululaʾ aboka, Maria gera alda or eiblolam de? Alda nak arawonululaʾ aboka orugalom,” hyok.

LUKAS 10:40 Referans Kwoze

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

LUKAS 12:29

Onoʾ, ugun gwaneng meka denemunaʾ anyek orok amba leboka, ganya daldom-daldom anaʾ ab, ganya soro-wara anaʾ ab dara ununggom, mem.

MATIUS 16:22

Wenyek Petrus bedya Yesus anyek, al dam gliri beildil yeiniboka lebokaʾ ara, ”Wenelesilimnya o, ban era hyak unuwanggunununjak, orok!” hyok.

MATIUS 14:15

Sin dangal yabok dara, alja yuba doro diriga ban nang edya Yesus ak yeiniboka, ”Neyung o, seleb sin dangoka onoʾ anyagan ara salyaʾ gakdenaʾ ak anasa, nimi danara biniboka denaʾ eboka dekdowanokaʾ aboka, binilum aboka orugesilom,” hyek.

LUKAS 9:55

Danyek Yesus adya sikenek sam saaboka wabsuk.

MARKUS 3:21

Wera nimi hnonja, ”Alda goloknaʾ gologamla,” alamek yub enyek, alab neikek ulumek nim edya kebek dara, Yesus ak ganagoka bo yanobaʾ aboka bilimek.

LUKAS 10:38

Wera onoʾ Yesus ab alja yuba doro diriga ban nang era, pikek balamekaʾ ara, yok mek heikek wekel byik. Heik enyek anyeb gela hnon alja si nera Marta gedya, Yesus ak nadya ek yalom aboka e byuk.

LUKAS 10:41

Danyek Wenelesilnya bedya lebokaʾ ara, ”Marta, Marta o. Anak dara, yokaʾ-yokaʾ ganya ok dokoka seiniro balalam.

YOHANES 11:1

Betania heik nimi si Lazarus, alja weisabo si Maria geb, Marta geb, neikaʾ ulumek.

YOHANES 11:5

Wera Yesus ara, Lazarus beb, alja hmal gelewa Maria geb, Marta geb danyek, sikenek hyak wanaʾ nauba ulusuk.

YOHANES 12:2

Dara, anyagan Yesus amba masa youmek. Marta gera denaʾ boklomookanya, Lazarus bera Yesus ab neikik bukoka delerek.