LUKAS 10:22 - PERJANJIAN BARU NALCA YUBA

²² ”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

LUKAS 10:22 Referans Kwoze

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

YOHANES 17:26

Neyung, anja ululamnya nera, sikenek seleb leb elegoka amesisa. Dara eimik eneba, nera sobaʾ unubdibiganamna. Wera anja wanaʾ elegonulumaʾ ara, sikja ganya ek sam sobaʾ ulumlyekanya, nara sikja ganya lomok ulumnesin aboka unulumnamna,” hyok.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 3:35

Imik Neyung adya alja me nek nauba wanaʾ uboka, yokaʾ-yokaʾ nidyaʾ ara, al adya salawolulaʾ aboka elemok.

IBRANI 2:8

yokaʾ-yokaʾ nidyaʾ amba leboka dubnya nenewolum,” aro momnya dobok. Imik Neyung adya nim ek yokaʾ-yokaʾ nidyaʾ amba dubnya nenewok dara, wera hnon yoknya nek nim adya dubnya unggululanya nera hyak unggulumla. Wera ban unuwokaʾ anyek babya, wera nunja kemen dara, nim ara yokaʾ-yokaʾ nidyaʾ ak ara dubnya dangoka bo ulumlaʾ ara hnon eilinggulumab.

EPESUS 1:21

Wenewoka bo usinaʾ gom, senenggom dub unaʾ gom, yok-yok migibaʾ gom, wenewoka oruksinaʾ gom, nidyaʾ yok-yok si sinaʾ dub unaʾ gom, wene salek gom, eimik yanamla salek gom, nidyaʾ migib era mek bok, Kristus ak Imik Neyung adya elegok migib era, hyak senenggomaʾ lok soʾ ak elegok.

1 KORINTUS 15:24

Dara, hyak dakalongnaʾ nong sum yanamla. Ban sum enyek, Kristus adya wenewoka bo usinaʾ eb, yok-yok senenggom dub unaʾ ab, yok-yok migibaʾ ab dara, sokok nenewanamla. Dara nidyaʾ migib gong danara, Kristus adya doblyekanya, nunja neyung Imik Neyung bek elegoka lebnamla.

YOHANES 17:10

Nidyaʾ yokaʾ-yokaʾ narinya nera anjinya ulumlakanya, anjinya neneba narinya ulumla. Anasa leboka, sik nong adya nadya si imik dal.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.