KOLOSE 3:8 - PERJANJIAN BARU NALCA YUBA

⁸ Anasa dara, yu ganya, yu sen-sen anaʾ, yok nang ek malya unaʾ, deresinaʾ, sembejaʾ yub ugunja sibamaʾ ak ab lanelelanya, ban nidyaʾ ara, wenyek boboganalum.

KOLOSE 3:8 Referans Kwoze

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

EPESUS 5:4

Anya onoʾ ugunuk dara, Imik Neyung mab unuwanggunuseng anasa, nimi ganya malya nenelesil yub eb, salyaʾ dolbalek yub eb, gela salanaʾ yuba, yok-yok kenaʾ perob danggunumso yub eb dara, mekaʾ sanggulumnulum. Alda ugunuk dara, Imik Neyung ak anyek sobaʾ perob aboka gibelmorulumnulum.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

EPESUS 4:26

Ugunda yu ganya bobmun dara, yu ganya enedya, ugunuk malya unaʾ deisilyek anasa, yu ganya bomunaʾ meewanggom bok, henga wekel banaʾ ara mem.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

KOLOSE 3:9

Ugunda youmaʾ ululum ganya nong ek dara, seleb gwirib loblum anasa, anya wenyok ganya nong unaʾ era, alja uyimoknya bedya ganya gigiwoka ella ubnok aboka, sob-sobaʾ wenyeknya gebgiga balasil anyek, seleb ongowolum anasa, ugunda sondaʾ leldanaʾ ara mem.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

GALATIA 5:15

Bok ugunda si glekoka obdangoka, malya neneldalamun dara, ugun moumen soldowoka dengabdomunuk aboka, pe keeboka ulululum.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

YUDAS 1:8

Dara, Sodom Gomora heik nimi malya ulumek sok, ban wekel yalamak nimi salyeʾ hwam seinilemak nim enyek, neikso malya ulumak. Sikda sik nong ak malya neneldalamaakanya, bleknaʾ hwam ulumak, imik heik sam geisa perobaʾ ulumlaʾ ak derelemak.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

YAKOBUS 2:7

Ban bonaʾ dub nimi nong edya danyek, Imik Neyung ak ab, ugunja perob si dolumaʾ ara malya nenelemak nim era an.

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

GALATIA 5:20

bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab,

MARKUS 7:22

yok-yok bonaʾ uluneso ganya bolomak, yok-yok malya unaʾ ganya bolomak, nimi bobnenewoka sondaʾ lelemak, yok-yok malyinya nok unulumak, yok nim edyaʾ amba solom ganya bolomak, nimi derelemak, dengdang ganya bolomak, dongdang anaʾ ganya bolomak; ban malya unaʾ danyek lanalamla.

WAHYU 16:9

Dara nim ara, ban poba enedya yalegoka sesero byuk. Hnonda sik Imik Neyung si, ban igin damok bo uboka ululanya bek, derewoka malyaʾ geblemek. Wera an unuwosuk bok, sikda sikja malya unaʾ ak ab, ganya dangawoka Imik Neyung senenggomnya ululanya bek ara, gibnenggulumek.

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.

2 PETRUS 2:7

Nimi nidyaʾ heik ene nimi nidyaʾ ara, malya unaʾ hwam ok ura ulumek bok, alda Lot bek hnonok alak ok Imik Neyung adya pelemoknya senemokaʾ anasa, unu ol yabasuk sum era Lot bek hnonok blebok.

EPESUS 4:25

Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.