KOLOSE 2:11 - PERJANJIAN BARU NALCA YUBA

¹¹ Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

KOLOSE 2:11 Referans Kwoze

ROMA 2:29

Bok yuba dolomla adya ok Yahudi nang ulumla ara an. Anya bolaʾ garasinaʾ dibaʾ ara momnya donaʾ ulumlaʾ sunuwoka nim adya unulusaknya nek gom, alda yuba dobnaʾ adya, ana pik uboka ganya garalasilaʾ anyek dib. Anasa benyek gigiwoka perob anaʾ ara, nimek ab lananggulumla, bok Imik Neyung bek ab lanalamla.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

IBRANI 9:11

Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.

2 KORINTUS 5:1

Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

RASUL 17:24

Imik Neyung ban soko enyeb, nidyaʾ sokok anyagan ulumla ab, uyimok Imik Neyung enyek ugunuk sam neksin. Dara al on Imik Neyung enyek alda nim adya wenelesak sokok ab, imik ab, dubnya ulumla. Alda nim adya yok mengewoka giblenob aboka solomak ek sam unggulumla.

RASUL 7:48

Bok, Imik Neyung migibaʾ senenggomaʾ ululanya bera, alda nimi solomak ek sam unggulumla. Nenesa leboka, ununumnaʾ lelemek nang bukuk sam momnya dobok an:

LUKAS 2:21

Wera seleb li linbadya maboka dara, me nera bolaʾ garawareekanya, onoʾ me nen mon lomok anam bobnenggom enyek, lero adya si nenyek sibnelum amok si, Yesus aboka sibdek.

MARKUS 14:58

”Nunja kemoubaʾ ara, ban benedya wenyalamokja, Nara Imik Neyung e, ban nim adya solomeknya nera, golowanamnakanya, nimi soruk adya songgulumaknya nenyek, lika winilya ok sobnamna,” wenyalamok aboka miniwek.

ROMA 7:24

Na anara, nimi si lebnenanya hyak omom nong ak ulumna! Anasa heknedya na an somoganamna nong, somoknaʾ ak ab dara, blebnenel do?

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.