IBRANI 9:27 - PERJANJIAN BARU NALCA YUBA

²⁷ Imik Neyung adya nim ara lika hnonok somoganamlaʾ seleb dara, eimik yana lelewanamna aboka seleb orowek garawok.

IBRANI 9:27 Referans Kwoze

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

ROMA 5:12

Wera anasa, neikik malya unaʾ ara sokok anara hnonoknya pik ab lanawookanya, an malya unaʾ enedya somoknaʾ damok lanawok. Wera an unuwoka nidyaʾ nang ara seleb malya umek anasa, ban somoknaʾ damok era nimi nidyaʾ ak ob lelewok.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

IBRANI 6:2

mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

ROMA 2:5

Bok ban anja ganya gasa nong enyek, ganya danganaʾ orok adya, wera Imik Neyung be eimik waboka pe sunubdaboka yana lelewanasilaʾ geknewanamla sum era, alja wema dabsinaʾ ara, an dam nang doboka nauba bolololam.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

LUKAS 20:32

Dara onoʾ dolomek gel geneba eimik sidyaʾ dakoka somogok.