IBRANI 6:4 - PERJANJIAN BARU NALCA YUBA

⁴ Anasa, sikja ganya ara seleb dilinaʾ lomok ulumeekanya, imik ab eleksinaʾ hnon doboka, Geisinya adya hnon domekjok,

IBRANI 6:4 Referans Kwoze

MATIUS 5:13

”Ugun nong ak dara, sokok garam ululum! Garam ara angawom anaʾ anyek denghen dara, onsok saaboka angawom henemso de? Perob gom anasa, nim adya bobogoka yan ingib sabneseng.”

YOHANES 15:6

Heknedya nablaboka kwebdangoka unggulunam dara, gal soruka diboka bobogamna ek mekemnaʾ anaso ulumla. Ban anaso soruk ara, neikaʾ ak mamagoka uka dalamak dara, uka delemla.

EPESUS 2:8

Imik Neyung ara ugunuk wanaʾ uboka eleksinaʾ anasa leboka, ugunda Yesus ak dib senewoka doblumaʾ adya, ugunuk dib blebsuk. An blebsukaʾ ara, ugunja ununaʾ edya dobnenggublum. Anara Imik Neyung adya ok elek loboka blebsuk. Anaso ubsuk bok dara, nimi hnon ara nabeyok dobsa aboka nonggo henggunumso.

YOHANES 3:27

Wera Yohanes Pembaptis bedya dara, ”Nim ara Imik Neyung adya sikenek eleganggunususo dara, yokaʾ-yokaʾ dobnenggunuseng.

IBRANI 10:32

Nadyaʾ hemyabo nim o, ugunda men yuba doboka ululum salek era, Imik Neyung dilinaʾ anam ugunuk yebesuk dara, igina kwesinaʾ ara nauba ulusuk bok, eiwaawom aboka pe unululumaʾ anyek pe beklemnelum.

MATIUS 12:45

Anya onoʾ eimik era, yok sekbadya bisaʾ era alda mek so bok, hyak yu nong bisaʾ enyek el balamla. Anya wera sikda benedya lomok an wekna dara, sikda anyagan ulumak. Dara bisaʾ dan weknanya bedya nong unaʾ era, youmaʾ dara, or mek so bok, wenyek dara, hyak gobdo malya dangalamla. Ban nenyekaʾ anyek, wene salek an ulumak nim era unuwanasil,” hyok.

GALATIA 3:2

Nara ugunuk ab hnonok ella danamnaʾ ara, ugunda Geisinya dolumaʾ ara, unuwanalum an yub unululumaʾ adya gom, alda Kristus yub ak dib senelumaʾ adya dolum gom?

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

1 YOHANES 5:16

Wera ugun kabo yuba dololanya bedya, alja ban adya somoganggunumso malya unaʾ enyek ubnamlaʾ eibnesom dara, ugunja Imik Neyung ak molowanasom dara, embengaʾ unaʾ ara onsok Imik Neyung adya benyek eleganamla. Ban nenera yuba donaʾ nim edya malya ulumak bok, somoganggunumaknya nenesa lebna. Bok hnon malya unaʾ ak dara, somoknaʾ lanalamla. Ban nenyek dara, nara ugunuk Imik Neyung ak molowolululumaʾ aboka lebnenggubna.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

RASUL 11:17

Anasa, nunja Wenelesilnya Yesus Kristus bek dib senemoub sum enyek, elegesuk eleknaʾ neiknya nenyek, onoʾ sikenek hnon elegesuk dara, nara hekaʾ huboka Imik Neyung ak eleksinaʾ mem loblom henesinya de?” hyok.

EPESUS 4:7

Bok, nunda nidyaʾ ara, Kristus adya bera anaso wa wen arasinaʾ eleganamna senewokaʾ anyek, sunuwoka eleklesilaʾ ak dolomab.

EPESUS 3:7

Imik Neyung adya nak wanaʾ uboka eleksinaʾ eleganyokaʾ ara, perob lero yanggan yuba lel elekna wa nek hnonok eleganyok. Nara wa nen eleganyokaʾ dobsaʾ ara, Imik Neyung migiba nadya nong lomok ono welenel migib pik eleganyokaʾ ak, yuba len wa nera dobsa.

RASUL 10:45

Wera danyek, Yahudi nimi yokaʾ bok, Yesus ak dib senewoka domek nim, Petrus beblaboka neikaʾ yeilimek nim era, Imik Neyung adya alja Geisinya ara Yahudi nimi gom bok sikenek anaba elegesuk adya sikda hyak ganya loka dasuk.

RASUL 8:20

Bok Petrus bedya, Simon be hwelesuknya bek, ”An nong ab, anja rupiah eb, bisaʾ heik bululum. Anja dara, Imik Neyung adya eleklesil migib era rupiah adya dekoka dolomak senelam de? Hyak orok nong!

YOHANES 6:32

Dara Yesus adya sikenek, ”Nara ugunuk dib lebsin, Musa bedya imik heikek ab gwaneng eleganggusuk. Bok, nadyaʾ neyung bedya embengaʾ un gwaneng dibaʾ imik heikek ab eleklesil.

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

RASUL 15:8

Dara, Imik Neyung adya nimi nidyaʾ ganya ella ulusilnya bedya, alja Yahudi gom nang ek doro dibnesuk amba dara, seleb laga amasuk. Unuwoka amalasuknya nera, Imik Neyung adya alja Geisinya benyek, nuk men youmaʾ seleb elegesuk sok anyek, onoʾ sikenek hnon seleb elegesuk adya, amasuk.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

2 TIMOTIUS 4:14

Ya ab, yokaʾ-yokaʾ ab, selewoka memelelanya Aleksander bera, nak yok-yok malya unaʾ nauba ununyok. Wenelesilnya bedya alba eimik alja unumokaʾ sunuwoka diriganamla.

ROMA 1:11

Hnonda kemel yanggubsisa salek era nauba mandewok anasa, ugunuk yanakanya, Imik Neyung amba wa wen migib nenenaʾ amba perob ganya eleknaʾ enyek, hnon eleganasin senelamna.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.