IBRANI 13:22 - PERJANJIAN BARU NALCA YUBA

²² Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

IBRANI 13:22 Referans Kwoze

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

GALATIA 6:11

Nadya soruk yokaʾ edya nauba momnya donaʾ edya ok ugunuk beiyisinaʾ anyek kendululum.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

IBRANI 4:11

Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

IBRANI 2:1

Wera anasa, nunja kemoubaʾ anyek, mek-mekaʾ uboka mok danggiga bibyek anasa, nunja seleb keboka domoubaʾ ak ara, hyak pe salabmouboka ulumnemab.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

RASUL 13:15

Dara, Imik Neyung e nenyek an yuba donaʾ dub nang edya, Musa bedya unuwanalum an yub eb, ununumnaʾ lelemek nang edya lemek yub eb, einimekaʾ seleb dara, anyagan Imik Neyung e dam nang edya Paulus bek alja hemyab eb dak, ”Wera ugunda ganya gwelelek an yuba hnon ulumlya dara, or an longowak nang ek an wenewanasurum,” aboka molomek.

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

IBRANI 12:5

Wera ugunuk wenesin yub enyek, mek mab ek weneleng sok lelemla yub era, ”Wei, najab o, anda Imik Neyung adya nekoka wenelenggelaʾ ara dolbalekaʾ senenggom mem. Anya, alja omoma leboka wenyalanggel dara, anda ganya oldanggom, mem.

IBRANI 13:19

Anya hyak okoka dara, nara ugunuk men berra aboka saawoka elegeisinokaʾ aboka, nara ugunuk wenewanasinaʾ ara ugunda banera unulumnelumaʾ ak lebna.