IBRANI 10:33 - PERJANJIAN BARU NALCA YUBA

³³ Ugunuk nimi hnoum ab derewoka waboka saboka malya nenewoka olosik. Hnonda ugunja hemyabo nim eb neikaʾ anaso unulusik.

IBRANI 10:33 Referans Kwoze

1 KORINTUS 4:9

Nadya seinilamna dara, nu Imik Neyung yuba lenaʾ gak nang dara, Imik Neyung adya nuk seleb, nim adya ngoluksin nanga hnon, lero nang edya ngoluksin nanga hnon dangiyisuk. Nuk dara, malya umnaʾ anasa, obnamna nim eneso uboka, nimi hogung ok sam obnemab aboka, onoʾ sokok anyeb ebngalogoka glollisin nim enesoʾ ak ulumab.

PILIPI 4:14

Bok ugunja danyek, nak garana bulumnaʾ ak eiyiwoka aralenulumaʾ anasa, wera ugunja nak unu aralenulumnya nera hyak nauba pelenulum.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

IBRANI 11:36

Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

IBRANI 13:13

Wera anasa, nunda alja alya daboka derenaʾ anyek dobnobaʾ aboka, alak sam e weilik beiyik binimab.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

IBRANI 12:4

Anya ugunda malya unaʾ ab oldalalumuk ara, ugunja eneng hnon lananggulusil.