IBRANI 10:11 - PERJANJIAN BARU NALCA YUBA

¹¹ Yahudi nim edya yuba lenaʾ gak ulumek nang era, sob-sobaʾ saam-saam aboka Imik Neyung amba oboka beiri ulumek. Bok sikja ban giboka unu sobaʾ beillilemek beilinaʾ edya, nim adya malya unaʾ hyak doboka boboganggunusisonya nenyek unulumek.

IBRANI 10:11 Referans Kwoze

IBRANI 10:4

Anasa, sapi pam eneng ab yem kambing pam eneng ab dadya dara, nim adya malya unaʾ era doboka boloknenggulusil.

IBRANI 5:1

Anasa, sik yuba wa gakaʾ dub nang era, Imik Neyung ak ganya doboka eleknanya neb, malya unaʾ amba oboka molonanya neb dara, alja unulululaʾ aboka, nimi gangganek ab weboka, siksamba Imik Neyung ak ara alja yuba saboka unulululaʾ aboka sekillilimak.

IBRANI 7:27

Nimi sirikaʾ bok, yuba wa gakaʾ dubnya bedya, sikja youmaʾ unumna malya unaʾ enesa, pam oboka uka dabnekanya, an nen seleb dara, onoʾ yok nimi malya unaʾ amba unulumek. Bok Yesus ara anaso gom. Alda al nonga beibdangoka somogokaʾ ara, li hnonok bok hyak sobaʾ dib nong amba munaʾ gobdo somogok.

IBRANI 10:1

Yahudi nim edyaʾ unuwanalum an yub elegosukaʾ ara, eimik perobaʾ yanamokaʾ anyek diliwoka, gunaʾ inib-inib along sokaʾ ak dib gomnya nenyek sununaʾ dibaʾ ella dangan danasa elegosuk. An unuwanalum an yub elegosukaʾ ara, Imik Neyung adya hyak perobaʾ dibnya eleganesukaʾ anasa elegosuk. Wera unuwanalum an yub edya dara, li sobaʾ masa unuruwaʾ adya giboka beil yeiniboka, Imik Neyung ak oka yeindeboka giblemneseng nim eneba munaʾ gobdo pewanggunusiso.

IBRANI 8:2

Al Yesus ara senenggom yuba wa gaknya dangoka, nim adya sorob e nek gom, alda Imik Neyung adya albeyok sobokaʾ dib nongaʾ ek sam, alak elegok wa nera welemla.

IBRANI 8:4

Yahudi nim emba unuwanalum an yub ek sam lelemlaʾ yuba sunuwoka, seleb welemak nang edya Imik Neyung ak ara yokaʾ-yokaʾ uka daboka memelemakaʾ anasa, Yesus ara sokok an anam ulumso dara, alda senenggom yuba wa gaknya danggunumso.