GALATIA 3:1 - PERJANJIAN BARU NALCA YUBA

¹ Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

GALATIA 3:1 Referans Kwoze

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.

GALATIA 1:6

Kristus adyaʾ perob eleknaʾ pik uboka youbsuknya, Imik Neyung bek ara onoʾ loboka, alja dib perob lero yanggan yub era weilik geboka, yok lero yanggan yub alamaknya nenyek doboka ululumnya nera, nara lok anasa ngoluklesin.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

IBRANI 11:8

Dara Abraham bera ganya dib senenaʾ adya, alda yok mok soko aljaʾ misaʾ danamok sokok sam binilam aboka ebok dara, alda hek mok balamnaʾ ara elgomaʾ anyek pe keboka lanawoka byuk.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

GALATIA 4:9

Bok wenyek dara, ugunda Imik Neyung ak seleb ella ululumukanya, dib nongaʾ ara, Imik Neyung adya ugunuk seleb ella ulusil bok anasa, dolbalek sonya uboka hmeng ganya dangoka, dil beillilumaʾ ara hekamba do? Hekasa ban dolbaleknya nek saawoka oruknaʾ nang danob senelelum do?

GALATIA 3:3

Ugunda neik digum dongdang alalum de? Ugunda Imik Neyung Geisinya adya unub einilumjok, onoʾ saawoka youmaʾ nong unaʾ pik uboka perob danobaʾ aboka unubdaknalum de?

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

EPESUS 5:15

Wera anasa, ugunja nong unaʾ era pelemab gom, orok gom aboka pe diri uldalalulum. Nimi dongdang alamak nim edya unaʾ loboka, alda geremseng nimi ganya boboka ulululum.

1 TIMOTIUS 6:4

alda dengdang anaʾ adya ella neneldalalabok, yokaʾ-yokaʾ hyak elgom nong jok ulumla. Alda malya ganya edyok wek deknewoka ulmeilimdanyaʾ anasa mala weboka, ella ubnamenggom yuba, bobnenewoka geklero salamakaʾ adya bolgereklamla. Dara, bera ban adya solom ganya hnon, waldanaʾ hnon, hman leldanaʾ hnon, gogobaʾ ganya bobdangoka malya seneldanaʾ hnon, nauba lanalamla.

GALATIA 2:14

Nara sikja unulumeknya nera, Imik Neyung adyaʾ perob lero yanggan yuba lelemlaʾ sunuwoka ununggulumekaʾ anyek eiyimsa dara, Petrus bek nimi hnoum ab, ”Anda Yahudi nang bok, anja unaʾ era Yahudi gom nim eneso uboka, Yahudi nim eneso unggululam bok dara, Yahudi gom nim ek ara, hekasa Yahudi nang unaʾ diliwoka ulululum aboka loloboka unululam do?” aboka lebsa.

1 KORINTUS 11:26

Anasa, ugunda sobaʾ gwaneng ab, beknaʾ mek ab delelum dara, Wenelesilnya be somogokaʾ anyek, nekoka unulumun sok moruwoka al yanamla.

1 KORINTUS 2:2

Anasa, nara orowek Korintus nimi gangganek ulumnya dara, yok-yok yuba salyaʾ lebnenggunumna bok, alda Yesus Kristus yuba nong ok lelemnyekanya, okoka dara, Kristus gal dubuk somogokaʾ damok nong anyek ok, lelemnamna senemsa.

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

ROMA 2:8

Bok sik na pewanenelyaʾ anyek senewoka ane digum anyek eboka, dib nong ak blekoka, malyaʾ ak pe keboka unulumak nang era, yu sen-sen aboka wema dabnaʾ damok ak sikenek eleganesil.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

WAHYU 18:3

Dara, yok-yok mok soko ulumak nim era, alja salyaʾ salaleneseng ganya anggur mek enyek, seleb sikda jek. Hnonda sokok an wenewoka bo un dub nang eneba, alak salyaʾ salawoka, sokok an bonaʾ dekdo yaben nang eneba, alja salyaʾ salaleneseng ganya youruk-youruk anaʾ enedya dub dangamek,” hyok.

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

2 KORINTUS 10:5

Imik Neyung ak ella danganaʾ anyek, malya nenewanobaʾ aboka imik neneldalalanya nidyaʾ golol meneklemab. Nunda yok-yok seininaʾ lanalamlaʾ nidyaʾ ara, Kristus senelamlaʾ ak bo beil balamab.

ROMA 10:16

Bok ban perob lero yanggan yub era nimi nidyaʾ ara seleb dobnenggurub. Anasa Yesaya bera alja anaso wenyalamok, ”Wenelesilimnya o, heknedya nunja an wenyalamab yub era ganya aldib senewanamla do?”

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 7:26

Bok, heknedya nadyaʾ ban yub en keboka, pe ununggululanya bera, nimi ben hnon dongdanganaʾ adya, alja e salyaʾ mek weneng eilib somoknya benesoʾ ak ulumla.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

GALATIA 1:2

Dara nab, nunjaʾ hemyab anyagan yuba donaʾ nim ulumak nim eb dadya dara, Galatia sokok yuba donaʾ nim ugunsamba momnya doboka beibsab.

GALATIA 5:11

Hemyabo nang o, nak dara, bolaʾ garawanalum an yub enyek anam lero yabalesinya bok dara, hekasa nak ara lobaʾ nenewaneneseng do? Wera an unulusinya bok dara, Yesus oboka gal ak glamek yub era salyaʾ ouluk diknaʾ girik anaso unggulumnamso.