GALATIA 2:1 - PERJANJIAN BARU NALCA YUBA

¹ Wera onoʾ eimik gibnaʾ meijaʾ dubukaʾ badya seleb lebok danyek, nara Yerusalem heikek onoʾ bisaʾ ara, Barnabas be hnon neikaʾ bunuma. Anya, Titus be hnon neikaʾ byuba.

GALATIA 2:1 Referans Kwoze

GALATIA 2:3

Titus be nab neikaʾ bilinumnya bera, alda Yunani nang bokaʾ anyek, sikja Yahudi nanga bolaʾ garaldalamak sok, alba unuwoulul aboka dukaʾ lolom-lolom henggumek.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.

GALATIA 2:13

Dara, yok Yahudi nim eneba Petrus bedya ulumok sok diligaʾ dolomekaʾ adya, dara onoʾ eimik era, Barnabas beneba benewoka sikja ununaʾ ak neik diligaʾ domok.

GALATIA 1:18

Wera onoʾ eimik gibnaʾ winilya lemok danyek, nara Yerusalem heikek Petrus benya eibdanomaʾ aboka bisa danyek, alja ek ara minggu penya malamsa.

2 KORINTUS 8:23

Titus bek dara, nadyaʾ hembe yokaʾ nong uboka, ugun arasin wa neikaʾ welenamnya bek ulumla. Alda yok penya nang alab neikaʾ yalamak nang dara, anyagan Imik Neyung yuba donaʾ nim edya wa nen welemnelum aboka bokosak nang. Onoʾ sikda Kristus si imik nenelerak nang ulurak.

2 KORINTUS 8:16

Nara ugunuk senelesin sok, Imik Neyung adya Titus benyek ganya gouluwoka ugunuk aran ganya elegokaʾ anasa, Imik Neyung ak giblenob!

1 KORINTUS 9:6

Goma, Barnabas beb nab danyek ok, denaʾ ara, sikbeyok ganya hwiboka eboka deleruruk senelemak de?

RASUL 15:25

Anasa wera nenesa leboka, nunda anyagan ara yuba longowoka nauba saboka, wera perob or unuwanamab amabakanya, ugunuk sam nimi wenen nang bokol binimab aboka umab. Dara, ugunuk binilum hibya nang era, nunja wanaʾ ulusab nang Paulus beb, Barnabas beb yanggeirija dara, neikaʾ binok senewoka unumab.

RASUL 14:12

Anasa wera, Paulus yuba salamok anasa, Hermes aboka si simek. Alda Barnabas bek dara, Zeus aboka si simek.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 12:25

Wera Barnabas beb, Saulus beb dara, Yerusalem heik seleb biniboka, sikja sikenek orugesik wa seleb webgogorek dara, Yerusalem heik ab ara, Yohanes yok si Markus be hnon eboka bobdeekanya, onoʾ Antiokhia heikek yeilimek.

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

RASUL 11:25

Ban nen seleb dara, Barnabas bera Saulus bek ebgiga Tarsus heikek bilimookanya,

2 KORINTUS 2:13

Titus benyek eibnenggubsaʾ anasa, nadya ganya seininaʾ goʾ pe kaboka ubnenggubsa. Dara anyagan ulumek nim ek, nara binimna aboka lebgogowasa dara, Makedonia moka bisa.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.