GALATIA 1:8 - PERJANJIAN BARU NALCA YUBA

⁸ Nunja lelesub yub ek loboka, nera nu gom, im lero gom anaba, alda yok so yuba lebnesibya dara, or weil malyaʾ gloknesiso.

GALATIA 1:8 Referans Kwoze

GALATIA 1:9

Youmaʾ hnon nunja lesubaʾ ara, wera onoʾ nadya hnon lebsinaʾ ara, nunja leb elegesubaʾ dib nong yuba dolum yub anyek, onoʾ yok Imik Neyung yub enyek leb eleganesak dara, unuwanasak nang era, or weil malyaʾ gloknesiso, hen.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

ROMA 9:3

Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna.

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

RASUL 23:14

Dara, sikja Yahudi yuba wa gakaʾ dub nang ek hnon, yuba dam nang ek biniboka, ”Nunda orowek seleb laga leboka lemabja, Nunda anam Paulus bek obnenggumeibya salek era, yokaʾ-yokaʾ deregoka, meka denaʾ ara unuwanggunumab aboka lemab,” hyek.

TITUS 3:10

Nimi yuba dolomakaʾ ak doluwoka bokol goklesak nang ek ara, anja ban unululamaʾ ara loblom aboka, li penya unu gorogoka lelelom. Ban nen seleb unuwamen bok dara, anda alab neikaʾ uruma dobdangoka unaʾ ara mem.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

MARKUS 14:71

Dara, Petrus bera memaʾ si sibuka wenhyok, ”Ugunja lelelumnya bera, nara elgom ulunanya bek lelenulum!” hyok.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!