EPESUS 4:25 - PERJANJIAN BARU NALCA YUBA

²⁵ Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.

EPESUS 4:25 Referans Kwoze

KOLOSE 3:9

Ugunda youmaʾ ululum ganya nong ek dara, seleb gwirib loblum anasa, anya wenyok ganya nong unaʾ era, alja uyimoknya bedya ganya gigiwoka ella ubnok aboka, sob-sobaʾ wenyeknya gebgiga balasil anyek, seleb ongowolum anasa, ugunda sondaʾ leldanaʾ ara mem.

ROMA 12:5

Dara numbabya neikik, hyak gong bok, Kristus lomok ara hnonok nong ok ulumab, bok nunda yok-yok si silisak ara be hnonja bedya nong era onoʾ yoknya bedyaʾ amba ulumab.

EPESUS 4:15

Bok onoʾ saawoka, nuk dara, wanaʾ ganya nauba uboka perobnya dib nongnya nenyek ok lelemnemabakanya, nunja dubnya Kristus ulumla ak sam, nidyaʾ ak nebgiga balamnemab.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

TITUS 1:2

Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

1 TIMOTIUS 4:2

Sikda yuba lelesak nang era, sikja lelesija yub era sondaʾ yub ella ulumakjok, sene bobnenewoka lebnesak. Sikja ganya lomok ara sobaʾ bleilimna girik ek heilimla soko adya, sik damnya dara nunda malya ulumabaʾ ara ella unggulumak.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.

1 TIMOTIUS 1:10

Onoʾ yok gela salanaʾ hwam ok ulumak nang amba hnon, gel ganya ok boboka nauba meknelemak nang amba hnon, nimi nengmabo moumen dekeldalamak nim emba hnon, sondaʾ hwam ok wekdeknewoka ulumak nim emba hnon, sondaʾ anasa bobnenewoka lelemak nim emba hnon, nidyaʾ dib nong yuba elegousukaʾ ak bleklemak nim emba hnon, oruknaʾ yub ara elegousukaʾ ara, ella ulumab.

2 KORINTUS 7:14

Nadyaʾ anaba Titus bek Korintus nim era hyak pe ulumak aboka gigilesisinya nera, yoka danganaʾ orok adya, alya ubnenggubnyok. Nunja nidyaʾ ugunuk dib ok lelemouba sok, onoʾ nunja sikda anaso ulumak aboka Titus bek sibamaʾ adya ok neklemouba bok, ok ab dara, dib gigiwal.

TITUS 1:12

Sik moumen al Kreta sokok ab ununumnaʾ lelemoknya bedya seleb lebokaʾ ara, ”Kreta nim era, yu hwam ok bei gam anaso uboka, gwanenga orok nenewoka deregoka onoʾ sulmalyaʾ ulumaakanya, sobaʾ sondaʾ hwam ok lelemak nim ulumak,” hyok.

1 KORINTUS 10:17

Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

EPESUS 5:30

Nunda Kristus adya nong ulumabaʾ anasa, unu diri bo ulusil.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

EPESUS 4:31

Malya ganya bobdangoka, nidyaʾ yu ganya ab gogobaʾ ganya boldanaʾ ara mem. Ugunda senenggomaʾ iriri aboka derewoka waldanaʾ ara mem. Benewa malya seneldanaʾ gom, anaso yok malya ganya boldanaʾ era hyak loblulum.

KOLOSE 3:8

Anasa dara, yu ganya, yu sen-sen anaʾ, yok nang ek malya unaʾ, deresinaʾ, sembejaʾ yub ugunja sibamaʾ ak ab lanelelanya, ban nidyaʾ ara, wenyek boboganalum.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.