EPESUS 2:16 - PERJANJIAN BARU NALCA YUBA

¹⁶ Dara, Kristus gal dubuk somogokaʾ adya, isaʾ ganya neneldalareknya nera denghyok. Onoʾ Yahudi nim eb Yahudi gom nim eb hnonok nonga nenewosuk dara, sik penya dara, Kristus somogokaʾ adya Imik Neyung ak sam hibsuukanya, isaʾ ganya neneldalarekanya nera denghyok.

EPESUS 2:16 Referans Kwoze

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

KOLOSE 2:14

nuk igina berewoka, kweldisinaʾ yok-yok sunuwoka memewoka, an lelemla sunuwoka, deklulum aboka yeirilisuknya nera, alja bo somogok gal ak paku bokokaʾ adya, wera alja orok nenewoka seleb lubsuk.

EPESUS 2:15

Yahudi nim edyaʾ unuwanalum an yub eb alja anaso unulumnulum yuba nidyaʾ ara, Kristus alja nong elegokaʾ adya lubok. Dara, alda Yahudi nim eb Yahudi gom nim eb danyek, al lomok hnonok wenyok nimi nonga neniyiwoka ganya namenaʾ gebsuk.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

ROMA 8:7

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

1 KORINTUS 10:17

Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.