Biblia Todo Logo
Bib sou entènèt

- Piblisite -




EPESUS 1:19 - PERJANJIAN BARU NALCA YUBA

19 Hnonda onoʾ Imik Neyung adya nunda dib senelemab nang emba leboka migibaʾ hyak yok so ulusilaʾ anyek, ella dololumaʾ aboka mololesin. Imik Neyung migib ak dara, hyak senenggomaʾ lok so migib edya unuwoka,

Gade chapit la Kopi




EPESUS 1:19
19 Referans Kwoze  

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.


Imik Neyung migiba nunjaʾ ganya lomok sam seleb welemlakanya, nunja ganya seiniwoka mololemabnya nera mek so bok, Imik Neyung adya dara, hyak nauba so sounuwoka yokaʾ perobaʾ nidyaʾ unululanya bek,


Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.


Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.


Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.


Anya wera, ugunda Wenelesilnya lomok uboka, migibaʾ ak ulululum. Alja senenggomaʾ unulamla migibaʾ ak ab doboka ulululum.


Imik Neyung adya nak wanaʾ uboka eleksinaʾ eleganyokaʾ ara, perob lero yanggan yuba lel elekna wa nek hnonok eleganyok. Nara wa nen eleganyokaʾ dobsaʾ ara, Imik Neyung migiba nadya nong lomok ono welenel migib pik eleganyokaʾ ak, yuba len wa nera dobsa.


Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.


Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.


Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.


Ban nenesa leboka, ugunuk anaso unuwousululaʾ aboka, nunda ugunsamba sobaʾ heng uboka mololesab. Nunja ugunsamba heng uboka mololesabnya nera, ugun nong anyek Imik Neyung adya ugunuk youbosukaʾ anasa, anaso unu ubseng senelelanya nenyek, gigiwoka pe ululumaʾ aboka mololesab. Anasa wera, Imik Neyung adya ugunuk aralesilyaʾ adya, ugunja Kristus ak dib senemoub aboka welelum wa nidyaʾ ara, pe unulumunaʾ adya pebgiga balalulaʾ aboka, Imik Neyung migib adya ugunuk sam ak dara, alja senelamla sok gigiwoka unulusulul.


Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.


Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.


Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.


Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.


Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.


Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.


Swiv nou:

Piblisite


Piblisite