3 YOHANES 1:6 - PERJANJIAN BARU NALCA YUBA

⁶ Anja wanaʾ uboka wa bojam welelamaʾ ara, nun an yuba donaʾ nim ek an seleb unulamla aboka laga nekesik. Anda sik balamak pik pe arawoka bo balasilimaʾ anadya, Imik Neyung ganya sangab elegolulaʾ aboka lebna.

3 YOHANES 1:6 Referans Kwoze

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

TITUS 3:13

Senas yuba damok elnya beb, Apolos beb dara, sikda pe lanawoka baladurukaʾ aboka, sikenek unggulumlyaʾ nidyaʾ anyek, pe duboka arawanasilim.

RASUL 15:3

Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

1 PETRUS 2:20

Ugun malya ulusom enyek, henga geregoka igina kwelisinaʾ anyek siklewoka ulusom dara, ugunuk gigiwanasiseng de? Orok! Bok perobnya nek unululumaʾ amba leboka ugunuk igina kwelesil dara, pe siklewoka ulumun dara, wera nera Imik Neyung adya ugunuk hyak perob senewanasil.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

PILIPI 4:14

Bok ugunja danyek, nak garana bulumnaʾ ak eiyiwoka aralenulumaʾ anasa, wera ugunja nak unu aralenulumnya nera hyak nauba pelenulum.

2 KORINTUS 1:16

Nadya seinib losenya nera, ugunja pik uboka Makedonia moka binimnekanya, samal yangganyakanya, onoʾ ugunuk seʾ kemedesinya dara, nara Yudea sam binimnyaʾ anasa, ugunda arawonululumaʾ aboka seiniblomsa.

ROMA 15:24

nadya senelamnaʾ ara, nara Spanyol sam bannya dara, ugun ululumaʾ ak dek-deka sobnyekanya, ugunub eibdanamab senelamna. Wera anedya, ugunublaboka unaʾ anyek or mekaʾ anyaʾ senewanya dara, ugunda nak bokol bininulum senelamna.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

3 YOHANES 1:12

Nimi nidyaʾ ara Demetrius bek pelemla bar aboka gigilemak. Onoʾ alja unulamlaʾ ara dib yuba lelesil sok neik digum unulamlaʾ anasa, gigilamla. Dara onoʾ nunja anaba perob aboka gigiwab. Dara, nunja lebsabnya nera dib nong ara ugumba ella ululum.

RASUL 15:29

Ugunda bisaʾ ak geklewoka hweboka beibija denaʾ masa era doboka denggom mem. Dara onoʾ, yokaʾ eneng ara salyaʾ denggom mem, nonga heiboka somogalya wininga manaʾ salyaʾ denggom, mem. Dara onoʾ, hnon gela salaldanaʾ ak, ugunda mok sam geboka ulululum. Ugunda ban nidyaʾ lebabnya danyek nidyaʾ mok sam geboka ulumun dara, wera hyak pelemunaʾ ara an. Seleb lebab, perob e,” wenyaboka momnya doboka beibek.