2 PETRUS 1:9 - PERJANJIAN BARU NALCA YUBA

⁹ Bok nimi nidyaʾ ganya enyek boboka, unaʾ orok nim era, sikda heng ulusilaʾ adya, pe eilinaʾ loboka, nadya youmaʾ unulamsa malya unaʾ era seleb doboka boboganyokaʾ ara hibigoka salyaʾ ganya ulumak.

2 PETRUS 1:9 Referans Kwoze

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

EPESUS 5:26

Kristus adya alja yub ab dadya mek elegoka, sik yuba donaʾ nim era alja nong anyek doboka, geisa nenewoununaʾ aboka, al nong elegousuk.

ROMA 6:11

Wera anasa, nunda malya unaʾ amba leboka seleb an unu somogomouba, bok Kristus Yesus lomok Imik Neyung amba leboka embengaʾ ulumabaʾ ara, ugunda nenyek hyak al dib senewoka, pe beklemnelum.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

MARKUS 10:21

Wenyek Yesus adya dubnya bek an kemeboka yadyek senewoka lebokaʾ ara, ”Nidyaʾ ara pe unululam bok, hnonok lololam. Anasa anda wera bimenekanya, anja bonaʾ nidyaʾ ulumlaʾ ara yok nang ek dekoka, deknaʾ dobmenekanya, bonaʾ garan nim ek eleganalam. Dara nenesemba lunuwoka, imik heikek beillilisil bonaʾ enyek dobnelam. An unuwamenek ab danyek, wera anda nak yamenekanya, diriga yalamnanelem,” hyok.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.