1 YOHANES 3:24 - PERJANJIAN BARU NALCA YUBA

²⁴ Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 3:24 Referans Kwoze

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

2 TIMOTIUS 1:14

Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

1 YOHANES 2:6

Heknedya nara Imik Neyung ab neikaʾ kwebdangoka ulunam wenyalalanya bera, alda Kristus adya nidyaʾ unulumok diligaʾ doboka lunuwoka unululul.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

YOHANES 10:38

Bok nadya dara, unuwoka welenabok, ugunja danyek nak dib senenaʾ orok bok, nadya welemna wa nenyek keeboka dib senewolulum. Anadya wera, Neyung bera nadya nong lomok ulunelekanya, nara alja nong lomok ulumnaʾ ara, ugunda ella danalum bar,” hyok.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 YOHANES 2:3

Nunda Imik Neyung yub ak pe keboka unulumab dara, wera nunda Imik Neyung ak dib ella ulumakaʾ damok ara an unulumab an.

1 YOHANES 2:5

Bok nimi hnon Imik Neyung yub ak pe keboka unululanya bera, alda Imik Neyung wanaʾ unaʾ ak seleb kaboknya be ulumla. Wera nunda Imik Neyung ab neikaʾ kwebdangoka ulumabaʾ damok ara an.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.