1 YOHANES 1:7 - PERJANJIAN BARU NALCA YUBA

⁷ Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 1:7 Referans Kwoze

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.

1 YOHANES 1:5

Ban yub enyek alja me nek ab kemoubukanya, ugunuk leb elegesuba yub era ban: Imik Neyung ara alda dilinaʾ ok uboka, gunaʾ ara al lomok hnon mekaʾ unggulumla.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

1 PETRUS 1:19

alda hyak perob nongaʾ anyek deksuk. Kristus ara giriwaʾ deregoka menengaʾ unggulumla domba pam enesoʾ ak uboka, al Kristus alja eneng era, senenggom deknaʾ eneso eneng edya deksuk.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

1 YOHANES 5:6

Yesus Kristus nong ak hnonok alak ok mek ab, eneng eb dadya uboka, sokok yeilimok. Yesus ara mek dem adyok yanggumok bok, alda mek ab eneng eb neikaʾ hiboka yeilimok. Imik Neyung Geisinya ara sondaʾ lenaʾ oroknya anasa, nera aldib unumok aboka Geisinya enedya nuk laga neklesil.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

YAKOBUS 1:17

Yok-yok perob eleksinaʾ nidyaʾ ara, yok-yok dilinaʾ uyimoknya Imik Neyung adya, imik heikek abaʾ ara dolunglamla. Anya Imik Neyung ara yokaʾ danganaʾ adya, alda yok bokaʾ dangaldinggulumla.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

3 YOHANES 1:4

Yoknya nedya nak ganya sangab elegoka ubnenggununeso, alda wera nadya mab era, dib yuba lelemlaʾ sunuwoka ulumak an yub edya danyek, hnonok hyak nauba eiya dablenel.

2 YOHANES 1:4

Imik Neyung adya nuk alja lelesil sok, genong anja mabo darasam ara, dib yuba sunuwoka ulumakaʾ anyek, nara eiyiwoka, nara hyak eiya ulunel.

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

YOHANES 5:4

Hnon yok sum yok sum era, Imik Neyung lero adya mek gwan enyegan sekel yinggin dara, meka wareboka lolomok. Dara neiknaʾ salananya bera, mek gwan en warel yaben sab-sab men berra yoruwoka hwibnanya bera, wera alak salamna neiknaʾ era dengalamok.