1 TIMOTIUS 4:3 - PERJANJIAN BARU NALCA YUBA

³ Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

1 TIMOTIUS 4:3 Referans Kwoze

1 TIMOTIUS 4:4

Imik Neyung adya yokaʾ-yokaʾ nidyaʾ uyimokaʾ ara, perob anasa, Imik Neyung alak eleklesilimaʾ perob wenyaboka doboka den dara, wera nera memaʾ hnon unggulumla.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

ROMA 14:6

Heknedya ban yok hnonoknya nok salabmoubnamla dara, alda Imik Neyung amba unulumnamla. Anya heknya denaʾ denemna dara, alda Imik Neyung ak perob aboka giblamla anasa, alda Imik Neyung amba unulamla. Dara onoʾ heknedya alda denaʾ denggunumnekanya, albabya Imik Neyung ak perob aboka giblamla anasa, albabya Imik Neyung amba unulamla.

KOLOSE 2:16

Anasa, ugunda nim adya denaʾ amba gom, mek amba gom, perob sum emba gom, Sabat mem sum emba leboka, yana lelewoka igina kweiyiweisijik anasa, mem.

1 KORINTUS 8:8

Hyak dib nong ara, denaʾ adya dara, nub Imik Neyung ab ganya kwebdangoka pe unaʾ ara unggulumab. Wera hnon denaʾ loboka denggunesibya dara, anadya malya so danganggulumab. Dara onoʾ saawoka, hnon denaʾ doboka denesibyaʾ anaba, perob so danganggulumab.

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.

1 KORINTUS 7:28

Bok, anda gela dobnelam dara, nera malya unaʾ gomaʾ. Anaso neikik, goubenya gel gera nenya dolomla dara, nera alda malya unggulumla. Bok, alda doldalamak nim era, yokaʾ-yokaʾ igina kwesinaʾ damok ara, sikenek ulumnesil. Nadya dara, unurub igin yakaʾ danyek ugunuk kwebsilyek aboka lelemna.

ROMA 14:3

Imik Neyung ara ban benyek seleb dolomla anasa, denelanya bedya, denggubija nang ek derenaʾ mem. Anya onoʾ denggubija nang edya, dija nang ek yana lelenaʾ ara mem.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

MATIUS 15:36

Anya Yesus ara roti gwaneng sekbadyaʾ anyeb, hadyaʾ danyeb doboka, Imik Neyung perob aboka giboka molowok. Seleb dara, roti gwaneng ab hadyaʾ ab dara, soruk adya soboka, alja yuba doro diriga ban nang ek elegosuk. Dara nang enedya nimi nidyaʾ bukumek nim ek boksik.

MATIUS 14:19

Wera Yesus adya nimi nauba ulumek nim ek, ”Holaʾ eilib buklulum,” hyok. Dara Yesus adya lambadya roti gwaneng eb, penya hadyaʾ eb dara, imik keeboka, Imik Neyung ak perob aboka giboka molowok. Seleb molobgogowok dara, roti gwaneng era Yesus adya soboka alja yuba doro diriga ban nang ek, nimi nidyaʾ ak boknelum aboka elegosuk.

RASUL 27:35

Paulus bedya ban seleb wenyaboka lebgogomok dara, alda roti gwanenga doboka, sikja saramek sam Wenelesilnya bek molowoka, soboka deb einiwok.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

MATIUS 15:11

Sibamaʾ ak sam weklelanya nedya nim ara sembejaʾ gebnenggulusil bok, alda sibamaʾ ak ab ara goboka beiyik yabalelanya nedya danyek hnonok, nim ara sembejaʾ geblesil,” hyok.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.