1 TIMOTIUS 4:2 - PERJANJIAN BARU NALCA YUBA

² Sikda yuba lelesak nang era, sikja lelesija yub era sondaʾ yub ella ulumakjok, sene bobnenewoka lebnesak. Sikja ganya lomok ara sobaʾ bleilimna girik ek heilimla soko adya, sik damnya dara nunda malya ulumabaʾ ara ella unggulumak.

1 TIMOTIUS 4:2 Referans Kwoze

EPESUS 4:19

Sikja unulumak ununaʾ era meknelemab senewoka alya ganya bonaʾ orok adya yok-yok malya unaʾ era, salyaʾ sikja ganya doboka, gela salyaʾ salero yabalamaakanya, yeiriwoka yok-yok malya unaʾ nidyaʾ unura yabalamak.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

RASUL 20:30

Hnonda ugun gangganek an ululum nang enedya eimik era, boro doloknaʾ yub enyek lero yibinisak. Ban unuwanamaknya nera, anadya diriga ban nang enyek seklama dariyiwoka sikenek sam gliboka bo bisinob aboka ubnamak.

WAHYU 16:14

Wera ban hyeiya anasoʾ ara, hyak yu hwam unaʾ ganya enyek, yokaʾ-yokaʾ mengewoka unuru yibilimek. Dara ban winilya ganya yu nong era, nidyaʾ soko me bilimeekanya, wenewoka bo un dub nang ek, Imik Neyung hyak migib ululanya bedya senenggom sum enera, obdanok aboka, mamagiyiweisik.

2 TIMOTIUS 3:5

Nim adya eilin dara, sikda yuba doboka pe unulumak nimi senen bok, sikda ganya migib dibaʾ ak dogom aboka lolomak. Ban unulumak nim enyek ara, anda mok nenebdangoka ululom.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.