1 PETRUS 3:18 - PERJANJIAN BARU NALCA YUBA

¹⁸ Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 PETRUS 3:18 Referans Kwoze

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

IBRANI 9:26

Kristus anyek sobaʾ saam-saam aboka beildal balamso dara, wera soko anam uyiwoka wek mouruwoka liga gong somokdibigemnamso. Bok wenera alda lika hnonok munaʾ gobdo malya unaʾ amba aboka, al nong anyek wene salek era dib somogok.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

1 PETRUS 4:6

Ban unuwanasilnya nenesa, seleb somogek nim ek men dara, Imik Neyung adyaʾ nimi blebsin yub era leb elegeisik. Ban unumeknya nera, anadya wera nimi nong ak dara, yana lelewanasilnya nera, nimi nidyaʾ hiboka yana lelelesil sok, yana lelewanasil aboka ubok. Onoʾ hnon ganya ak dara, Imik Neyung adya unu ubseng senelamla sok, yuba dolomakaʾ sunuwoka ulunokaʾ aboka ubok.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

1 YOHANES 1:9

Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

ROMA 4:25

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

1 PETRUS 4:1

Kristus ara nimi bokaʾ adya gweklemokaʾ anasa, numba alba seinilemok sok seinilemnemab senen ganya boboka migiba gebeldalalulum. Nimi nong sirikaʾ anyek oka gweklelanya bera, onoʾ malya unaʾ lolomla.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

YAKOBUS 5:6

Nimi nidyaʾ malya unaʾ orok nim ek, ugunja henga geregoka ololum bok, sikja dara ugunuk ara hnon kemel samasinaʾ orok.

RASUL 3:14

Ugunda alda geisa uboka hyak perob ok ululanya wekdo dorogoka, nim osuk anasa henga geregemeknya benyek lob loblom aboka, Pilatus bek dukaʾ lolom-lolom alalum.

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

MATIUS 27:19

Wera Pilatus bera nimi yana lelesin ek anam bulumok salek, alja gel gedya momnya donaʾ beibukaʾ ara, ”Nara alsamba hnon omom so lendara enyek manabok anasa, anda malya unaʾ oroknya bemba yub enyek, neikaʾ denewoka sanaʾ ara mem loblom,” hyok.

MATIUS 27:24

Anedya Pilatus bera albeyok dookanya, yok nim era nauba adya, mem aboka yuba seknamen danggubuk. Anasa alda nimi hnoum laga meka doboka, alja soruka meka elekdangoka lebokaʾ ara, ”Ban somoganamlaʾ ara nadya huka bobnenggunumna! Nera ugunja huka borowolum!” hyok.

YOHANES 16:10

Ugunda eimik nak eibnenggununulumaʾ ak sam, nadyaʾ neyung bek binimnaʾ anasa, perobaʾ nenenaʾ ak meknewoka seinilimak.

EPESUS 3:12

Nunda Kristus ak dib senewoka, alab ganya kwebdangoka ulumabaʾ adya, glob lobsuk pik biniboka, asaʾ ganya boboka Imik Neyung berem balamab.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

1 PETRUS 3:19

Dara, Kristus ara ganya adya, henga geregoka beillilamla ganya ulumek ak sam yuba bo lel elegel byuk.