1 PETRUS 2:8 - PERJANJIAN BARU NALCA YUBA

⁸ Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.

1 PETRUS 2:8 Referans Kwoze

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

1 PETRUS 2:7

Ban girik enera, ugunja alak dib senelelum nim ek dara, deknaʾ nauba girik era an. Bok girik enyek an, dib senenaʾ orok nim emba dara, ban yub enyek lero momnya dobokaʾ gigilamlaʾ ara, ”E sonaʾ nang edya ikoka sobnenggumek girik era, wera hyak gobdo perob girika dok,” aro momnya dobok.

ROMA 9:22

Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

GALATIA 5:11

Hemyabo nang o, nak dara, bolaʾ garawanalum an yub enyek anam lero yabalesinya bok dara, hekasa nak ara lobaʾ nenewaneneseng do? Wera an unulusinya bok dara, Yesus oboka gal ak glamek yub era salyaʾ ouluk diknaʾ girik anaso unggulumnamso.

1 PETRUS 2:6

Nenesa leboka, Imik Neyung yuba momnya donaʾ ak sam ara, ”Nadya hyak perob girik ek weboka dobna, Sion heikek sam men iklemak girik enesoʾ ak beibna. Anasa, alak dib senewanamak nim era, sikenek solom ganya nenewanggunusil,” aro momnya dobok.