1 PETRUS 2:15 - PERJANJIAN BARU NALCA YUBA

¹⁵ Anasa Imik Neyung adya ugunuk seinilesilaʾ ara, ugunja perob ununaʾ enedya, dongdang aboka malya yuba saro yabalamak nim edya sibamaʾ era, yuba geleganok senelamla.

1 PETRUS 2:15 Referans Kwoze

1 PETRUS 3:17

Imik Neyung adya or unuwaseng senemnelanya nenyek, pe unulumnelum bok, ugunuk igina kwebnesil dara perob bok, malya ulumunaʾ anasa igina kwelemnesil dara, nera hyak malya nong.

TITUS 2:8

Anadya anak malya senelenjak nang era, nunja malya unaʾ hnon ununaʾ orok adya nuk mininaʾ yuba okna anasa, sikda alya dabsulul aboka, nim adya si malya danganggulumla yuba damok enyek, pe geremsengaʾ lanawanamlya yuba damok enyek neklesilom.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

MATIUS 7:26

Bok, heknedya nadyaʾ ban yub en keboka, pe ununggululanya bera, nimi ben hnon dongdanganaʾ adya, alja e salyaʾ mek weneng eilib somoknya benesoʾ ak ulumla.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

2 PETRUS 2:12

Sikda pam unuruwaʾ ak beiyiwoka oboka youn danasa liklemak sokaʾ ak ulumak. Sikda hyak perob ganya era mekaʾ seininggulumak, anya sikja unulumakaʾ nidyaʾ ara salyaʾ anyek unulumabaʾ ara elgomjok, damok ara anaso danamlaʾ ara salyaʾ ulumakaʾ adya malya geboka derewoka lelemak. Anadya sikja meneng meknewoka unulumak malya unaʾ edya sik nonga geregoka, nim adya pam olomak sok, Imik Neyung adya dara, sikenek obnesil.

ROMA 1:21

Wera sikda Imik Neyung ak seleb pe ella ulumek anyek babya, sikda alak Imik Neyung anasoʾ aboka si imik nenenggulumeekanya, alak perob aboka gibnanya neneba orok. Alda saawoka sikja ganya seininaʾ era salyaʾ hwam dangalamookanya, sikja dongdang anaʾ ganya era gunaʾ dangalamok.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

GALATIA 3:1

Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

MATIUS 25:2

Ban gelewa gong danara, gelewa lambadya dara, geremseng bok, onoʾ yok lambadya dara, dongdang anaʾ gelewa.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.