1 PETRUS 2:10 - PERJANJIAN BARU NALCA YUBA

¹⁰ ”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.

1 PETRUS 2:10 Referans Kwoze

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

ROMA 10:19

Bok nara heibnesin: Dara Israeli nim era anyek lel yabel senewoka dobek de? Musa bera hyak men wenhyok, ”Nunja nim gom bok, ugunda siksamba leboka ganya angoo senewoka oka dusulul aboka, nadya ugunuk ganya en gebnamnakanya, ugunda yok elgom mok soko nim ek wablulumaʾ aboka, yu ganya nenewanasin,” hyok.

1 KORINTUS 7:25

Wera gela nenya dobdanggom nim emba lebnamna. Ban nenesemba dara, nara Wenelesilnya bek ab yuba hnon okoka neknenggunyok bok, Wenelesilnya bedya nak angoo yadyek senewoka eleklenelnya bedya, ban senelenanya nenyek neknesin.

ROMA 11:30

Anasa dara neikik, ugunda youmaʾ dara Imik Neyung pe kenggululum, bok wenera sikjaʾ pe kenggom enesa, ugunda angoo yadyek senewoka arasina ganya era dololum.