1 PETRUS 1:12 - PERJANJIAN BARU NALCA YUBA

¹² Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 PETRUS 1:12 Referans Kwoze

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

1 KORINTUS 2:10

Bok, Imik Neyung adya nuk seleb alja Geisinya pik uboka, nuk memesuknya nenesa laga amasuk. Imik Neyung Geisinya adya yokaʾ-yokaʾ nidyaʾ ara, geklewoka ero yabalamla dara, onoʾ Imik Neyung adya anyek, unuwanamna senemna lomok doknomna anaba, laga gelewoka beillilamla.

IBRANI 4:2

Anasa Imik Neyung adyaʾ perob lero yanggan yub era, sikenek leb elegeisik sok, onoʾ nuk anaba leb elegeisik. Bok sikja yuba seleb kebekjok, dib senenaʾ orok anasa, siksamba dara, Imik Neyung yub ara perobaʾ danggubuk.

MARKUS 16:15

Onoʾ, alda sikenek wenhyok, ”Ugunda yok mok soko me nidyaʾ biniboka, perob lero yanggan yub era, nimi nidyaʾ ak leb elekdo yabalemnelum.

1 PETRUS 1:25

Imik Neyung yub ak dara, or sobaʾ ulmorulamla,” aro momnya dobok. Dara ban Imik Neyung yub enyek ugunuk ara leb elegesik.

WAHYU 5:11

Dara nara, yuba hnon keboka kemel yabasa enyek, lero nang era, ekla bunaʾ ab, gamyakaʾ ab, nonga kaboka wa borob nang ek longob ganagoka, yuba nauba saro balamekaʾ ak eibsa. Sikja deng mandebnaʾ era, deng salyaʾ uboka, onoʾ denga salyaʾ adya deng mandebnaʾ era hyak gong ulumek.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

GALATIA 1:16

Dara perob lero yanggan yuba aljaʾ me nembaʾ ara, Yahudi gom nim ek leb elegolulaʾ aboka, Imik Neyung alja me nera, nak an okoka amanyok. Wera an Imik Neyung adya perob senemookanya unuwanyok sum era, nim adya hnon makoka be hnon neknululum aboka molol binggumsa.

GALATIA 1:12

Nadya ugunuk bo yeilimsa yub era, nim ek ab dobnenggumsa, dara onoʾ nim adya hnon neknenggunyek bok, Yesus Kristus adya albeyok, ganya lomok aawanyokaʾ ak domsa.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 1:17

Imik Neyung adya peldisinaʾ ara perob lero yanggan yuba pik ab laga dangalamla. ”Pellililanya bera ganya dib senenaʾ nong adyok ulumnamla,” an wenyaro momnya dobok sok, ban Imik Neyung adya peldisinaʾ ara ganya dib senenaʾ adya mengewoka sidyaʾ daklamla.

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

LUKAS 9:6

Dara sikda bilimeekanya, mek-mek heikek sam biniboka, Imik Neyung yuba leb elegoka, yokok-yokok sam nimi nauba hwero yabalesik.

LUKAS 2:26

Dara alda Imik Neyung Geisinya adya orowek alak men, anda Imik Neyung adya nimi blebsinaʾ dubnya, Wenelesilnya bedya sekiyiwoknya Mesias benyek, anam eibnenggumem bok dara, anda men somoganggunulam.

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

IBRANI 11:13

Dara ban ganya dib senelemek nimi nidyaʾ ara sikda ban perobaʾ eleganasin amokaʾ ara dobnenggubek. Banera mok ab eiyiwoka dobnob senemek bok, dobnenggubek. Anya sikda aldib sokok anera yok mok soko nim enesoʾ uboka sekel yanggan nang ulumek.

ROMA 1:15

Wera ban nenesa, ugun Roma heik ululum nim ek, nara perob lero yanggan yuba era leb elegesisinya senelamna.

RASUL 16:10

Wera Paulus bedya lendara wenyaboka maboka bukoka dara, nunja dara, anara Imik Neyung adya mok enyegan nang ek sam Imik Neyung yuba leb eleganok aboka lebla senewoka, men li pe mab lobla wenyek Makedonia sam binob aboka meebdangamoub.

RASUL 10:44

Dara wera, Petrus bera anam yuba wenyaro lelemok salek enyek, longowoka kelemek nang era sikda nidyaʾ Imik Neyung Geisinya adya yingginiboka deknesuk.

RASUL 8:25

Wera Petrus beb, Yohanes, beb, sikda Samaria nim ek seleb Imik Neyung yuba lebgogowoka, yokaʾ-yokaʾ nidyaʾ laga leboka nekoka seleb ubdek dara, sik penya dara, on pik Yerusalem heikek birik. Dara, pikik balarek ab dara, Samaria heik gokgobok pik mek heik gong pik Imik Neyung yuba leb elekgiga balarek.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

RASUL 4:8

Petrus Imik Neyung Geisinya adya deknewoka ulumoknya bedya sikenek, ”Wei, ugunda Israeli dub nang uboka, Imik Neyung yuba dam nang o,

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 PETRUS 4:6

Ban unuwanasilnya nenesa, seleb somogek nim ek men dara, Imik Neyung adyaʾ nimi blebsin yub era leb elegeisik. Ban unumeknya nera, anadya wera nimi nong ak dara, yana lelewanasilnya nera, nimi nidyaʾ hiboka yana lelelesil sok, yana lelewanasil aboka ubok. Onoʾ hnon ganya ak dara, Imik Neyung adya unu ubseng senelamla sok, yuba dolomakaʾ sunuwoka ulunokaʾ aboka ubok.