1 KORINTUS 9:5 - PERJANJIAN BARU NALCA YUBA

⁵ Wenelesilnya Yesus alja weisab edya hnon, onoʾ yok yuba lenaʾ gak nang edya hnon, Petrus benedya hnon, yuba dolomna gelewa bomnakanya, neikaʾ yabalamek sok, nara yuba dolomla gel geneba doboka neikaʾ yibinggunusinim de?

1 KORINTUS 9:5 Referans Kwoze

YOHANES 1:42

Dara, Simon benyek Yesus bek bo yeilimok dara, Yesus adya Simon bek henga keemookanya wenhyok, ”Anda Yohanes bedya me Simon ululam. Wera Kefas aboka si silimnenjak,” hyok. (Kefas si ara, Petrus andanasa lelemak).

MATIUS 8:14

Yesus ara Petrus bedyaʾ ek biniboka kemelemok enyek, Petrus aldogol gera poba neiknaʾ salamokaʾ anasa mamokaʾ ak eibuk.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

GALATIA 1:19

Wera Yerusalem heikek ara, yok-yok yuba lenaʾ gak nang era, hnon mekaʾ eilinaʾ orok bok, alda Wenelesilnya Yesus alja weis Yakobus bek hnonok eibsa.

1 KORINTUS 7:39

Nenya domna gel gera, alja nenya embengaʾ or ulumla salek era, alja nenya ek neikaʾ ganya daklinggoka ulumla. Bok, alja nenya seleb somoganemso dara, wera gel gera alja nara ban benyek dobnun senewanamso dara, al Imik Neyung yuba dorobnya bek senelamla dara, or unuwolul.

1 KORINTUS 7:7

Nadya ganya ak dara, nimi nidyaʾ ara, nadya ulumna sok, sikba ulumneseng senelenabok, nimi yok-yok ara, Imik Neyung adya elaʾ girigo yok-yok eleklesil. Anasa, hnon nim era ban nenyek elegemokaʾ adya, alba unululabok, yok nim era yok elegemokaʾ adya, yok unulamla.

RASUL 1:14

Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

TITUS 1:6

Nimi yuba dolomakaʾ gaka bo usinnya bera, si gegena ponaʾ oroknya bek ululul. Alda gela hnonok domlyekanya, alja mab era Kristus ak dib senewoka, onoʾ nauba blekoka, salyaʾ yiri-yoro al giriknaʾ orok mabo yaknya bek ululul.

1 TIMOTIUS 5:2

Wisa gelewa ek dara, nadya genong yab era alan senewoka pe unulusilom. Goubenya gelewa ek dara, sikenek perob geisa ganya adya, nadya hmal gelewa senewoka pe unululom.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 KORINTUS 7:15

Bok, Imik Neyung yuba donaʾ orok gel gom, nenya gom edya, alja gel gek gom, alja nenya ek gom loblya dara, or lo balalul. Ban unuwalya dara, al yuba dib senelelanya bera anam kwemnaʾ anaso unggulumla. Imik Neyung adya dara, waldanaʾ oldanaʾ orokaʾ anyek, pe ulunok senelesil.

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

ROMA 16:1

Nara ugunuk molowoka wenyhenesinaʾ ara, nunjaʾ hem ge Febe, Kengkrea sam yuba donaʾ nim emba wa welemla gel genyek, ugunda pe arawoka ulumnelum.

YOHANES 2:12

Ban seleb unubgogomok dara, Yesus ab, alja genong geb, al kabo nang ab, alja diriga ban nang eb, Kapernaum heikek bilimeekanya, liga wen ono sam ulumek.

LUKAS 6:15

Matius be hnon, Thomas be hnon, Alfeus bedya me Yakobus be hnon, Simon bek bok yok si Patriot alameknya be hnon,

MARKUS 6:3

Ban benera alda Maria gedya me e sonaʾanya gom de? Alja weisab era, Yakobus beb, Yoses beb, Yudas beb, Simon benya arob nang unggulumak de? Yo anasa, al hmal gelewa eneba, anyagan neikaʾ unggulumab de?” Wenyaboka, sikda Yesus ak soloma daboka lek senemek.

MARKUS 1:30

Dara Simon aldogol gera poba neiknaʾ salamokaʾ ak alja eklek sam mamok. Anasa, gel gera anaso unu neiknaʾ salamla aboka, sikda Yesus ak nekek.

MATIUS 13:55

”Alda e sonaʾanya bedya me gom de? Aljaʾ genong gera Maria ge uboka, alja weisab era Yakobus, Yusuf, Simon beb, Yudas beb, unggulumak de?

1 TIMOTIUS 4:3

Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

1 KORINTUS 7:8

Gelewa, nengmabo, anam dobdanggom nim eb, youk gelewa ululum nim eb, nadya ban wenewanasin. Naba ulumna sok, ugumbabya ugumbeyok kaboka ulumnalum dara, nera perob.

LUKAS 8:20

Dara nim adya alak, ”Neyung o, anjaʾ genong geb, anja weisab eb dara, sikda anab eibdanobaʾ aboka yeilimaakanya, beiyik ono seklemak,” hyek.