1 KORINTUS 9:12 - PERJANJIAN BARU NALCA YUBA

¹² Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 KORINTUS 9:12 Referans Kwoze

2 KORINTUS 11:12

Nadya wen unulunanya nera, sobaʾ unubgiga balamnamnaʾ adya, sikda hnon senenggom yuba len nang aldalamak nang era, nunda Paulus benya arob nanga welemak sok, numba unulumab aboka nonggo hijek anasa, lobnokaʾ aboka pika leblemnamna.

1 KORINTUS 9:18

Wera dara, nara hek deknaʾ ek dobnamna do? Nadya dobnamna deknaʾ era banyek ok, nara Imik Neyung adyaʾ perob lero yanggan yuba lero yabalamnak ab dara, nimi yok nang ek igina kweiyiweisinyek senen ulumna. Nera nara Imik Neyung yuba lelenanya benyaʾ senewoka salyaʾ men eleganulum aboka moloro yabanggulumna.

1 KORINTUS 9:15

Ban seleb wenhyok bok, nak dara wenera hnon ununaʾ ara orok. Onoʾ ban yuba wenyaboka momnya doboka beibsinaʾ anaba, wen nak unuwonululumaʾ aboka ubnenggubna. Nadya ban unulamna senelamnaʾ anyek, weininggoka denghelyek anasa, nak somogeisinya dara, perob senelamna.

1 KORINTUS 9:2

Nimi yok nang edya nak ara, Imik Neyung yuba lenaʾ gaknya ulumla hengguneneseng bok, ugunja dara, alda Imik Neyung yuba lenaʾ gaknya senewoka seiniyiwanenesom. Nera damok ara, alda ugunuk Imik Neyung yuba lebsisaʾ adya, ugunuk Imik Neyung mab ululum dara, wera nera nara aldib Imik Neyung yuba lenaʾ gaknya ulumna beknaʾ edya ugumbabya ululum.

2 KORINTUS 11:20

Ugunuk oruknaʾ nang nenelesak gom, ugunuk lobaʾ nenelesak gom, ugunuk ab duboka lolowoka bonaʾ dolomak gom, ugunuk mekaʾ neneiyiwoka, sikenek imik nenelemak gom, ugunuk hogunga wablasak gom dara, nuk or unulusinok senelelum.

2 KORINTUS 6:3

Nunja welemab wa nera, yok nim edya malya uboka welelum hisijek aboka, nunja dara, yok nim ek oluk diknaʾ girik dibaʾ nenenggulumab.

1 KORINTUS 6:7

Ugun moumen yuba donggulumak nim ek, anaso malya ubsak aboka yuba bo balalum dara, al seleb hmeng dangdowolum. Ugun moumen malya ubsija dara, hekasa diriganggunumna seneldanggululum do? Ugunja bonaʾ hokaʾ dobsija dara, hekasa or ununenok seneldanggululum do?

ROMA 15:22

Wera anedya nara li gong ugunuk yanasinya senemsa bok, pik garalenyok.

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.

LUKAS 11:52

Ugun yuba sunuwoka yana lelelelum nang era, hyak omom nong nim ek ululum! Yokaʾ-yokaʾ ella dangan damba pik baknaʾ era, ugun an beibsuk bok, ugunja dara ella danganaʾ enyek eibnob senewoka e lomok weknaʾ ara lololum. Alda ugunja dara, yok nimi ella danganaʾ enyek dobnobaʾ dulumak nim anaba, pika garal meneklelum!” hyok.

1 KORINTUS 9:14

Anasonya neikik, Wenelesilnya bedya orowek, seleb Imik Neyung perob lero yanggan yuba bo lero yabalamak nang era, yuba lelemakaʾ ak an ulumlyaʾ anyek, or doboka deregoka ulunok, hyok.

1 KORINTUS 9:16

Anasa wera, al Imik Neyung yuba lero yabanaʾ nong amba ok dara, nara pelemna aboka nonggo abdanggunusinya. Bok, nenera Imik Neyung adya or unululom aboka leboknya nenesa unulamna. Wera Imik Neyung adya yuba lelelom aboka, orugunosobok nadya lolosinya dara, nara hyak omom nongaʾ ak ulumnesinya.

1 KORINTUS 13:7

Alda yokaʾ-yokaʾ nidyaʾ ara, pe siklewoka unulamla. Alda yok nim edya perobnya nek dib senelamla. Onoʾ, yokaʾ-yokaʾ adya sene galalamlaʾ anaba, dara onoʾ yokaʾ-yokaʾ ak anaba, hyak ganya siklelmoubuldalamla.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,