1 KORINTUS 7:12 - PERJANJIAN BARU NALCA YUBA

¹² Bok, yoknya nemba wenewanasinaʾ ara ban (Nera Wenelesilnya bedya gom, alda nadyok weneweisin yub era an): Dolenya bedya Yesus ak dib senenaʾ orok gel gek ulumlya gel gedya, nara anab pe ulumnenam helya dara, dolenya bera yuba donaʾ orok gel aboka, lonaʾ ara mem.

1 KORINTUS 7:12 Referans Kwoze

2 KORINTUS 11:17

Wera nadya nonggo aboka sabnya dara, nera Imik Neyung adya perob senelelanya nenesoʾ ak sanggulumna. Wera nera, nara dongdang anaʾ nang eneso uboka salamna.

1 KORINTUS 7:6

Nadya ban wenyhesinnya nera, ugunda ganya pe seiniwoka unuwanalumaʾ ak lesin, gasa wekewoka lenggulusin.

1 KORINTUS 7:25

Wera gela nenya dobdanggom nim emba lebnamna. Ban nenesemba dara, nara Wenelesilnya bek ab yuba hnon okoka neknenggunyok bok, Wenelesilnya bedya nak angoo yadyek senewoka eleklenelnya bedya, ban senelenanya nenyek neknesin.

1 KORINTUS 7:11

Bok, gel ara nenya doledyok loblya dara, wera yok nenya ek saawoka donaʾ ara, hyak mem. Goma, saawoka men dosonya bek hil yanamsoʾ ok ulumla. Dara, nengmab anababya neikik, domlya gel gera lonaʾ ara mem.

1 KORINTUS 7:13

Dara onoʾ saawoka, Imik Neyung yuba dolomlya gel genyek, Kristus ak dib senenaʾ oroknya bedya nara anablaboka ulumnenam helya dara, lobnun aboka, lonaʾ ara mem.

1 KORINTUS 7:27

Anda gela seleb domen bok dara, gel genera lobsinya senewoka, yeiriwoka pika enaʾ ara mem. Anda gela anam donaʾ orok bok dara, gela dobnun senewoka enaʾ ara mem.