1 KORINTUS 5:12 - PERJANJIAN BARU NALCA YUBA

^12-13 Imik Neyung yuba donggulumak nimi malya unaʾ enesa dara, nadya yana lelen dara, narinya gomaʾ, unuwanggunusinya. Nenyek Imik Neyung adya sikba eimik enyek, yana lelewanesil. Bok, ugunub neikaʾ yuba dololum nim era, ugunja dara, sikenek yana lelewanggunusom de? Alkitab bukuk sam seleb momnya dobokaʾ ara, Malya unaʾ hwam ok ulumak nim era, ugun gangganek sam ab yaklulum, ara dobokaʾ anasa lebsin.

1 KORINTUS 5:12 Referans Kwoze

MARKUS 4:11

Dara Yesus adya sikenek lebsukaʾ ara, ”Ugunuk dara, Imik Neyung adya hekaʾ huboka wenelemnesilaʾ damok ara, seleb elegousuk. Bok beiyik ulumak nim ek dara, yokaʾ-yokaʾ ara yokaʾ adya sunuwoka neksin danyek, perob.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

LUKAS 12:14

Yesus adya benyek an lebokaʾ ara, ”Hem o, heknedya nak ara yana lelesinya sekiyiwanyok goma, ugunjaʾ neyung bedya misaʾ boksinaʾ amba sekiyiwanyek gom?” hyok.

1 TESALONIKA 4:12

Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.

YOHANES 18:36

Anasa, Yesus adya lebokaʾ ara, ”Nadya dub unaʾ danenelaʾ ara sokok anyebnya gomaʾ. Nadya heik era dub unaʾ danenel an ulumso dara, wera nadya mab edya Yahudi dub nang ek henga geregoka bo banggom aboka nak blebneneseng. Bok ununenaʾ orok ara, nadya dub unaʾ danenel era sokok an unggulumla adya umla,” hyok.