1 KORINTUS 2:7 - PERJANJIAN BARU NALCA YUBA

⁷ Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

1 KORINTUS 2:7 Referans Kwoze

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

MATIUS 13:35

Ban unumoknya nera, youmaʾ ununumnaʾ lelemoknya bedya, ”Nara sikenek yuba lelemnesin dara, sununaʾ adya sunuwoka yuba lelemnamna; soko anam uyimok salek eb moruwoka, laga danganaʾ loboka doknelelanya nenyek, nara lero yabalamnamna,” amoknya nenyek gigiwoululaʾ aboka umok.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

EPESUS 1:4

Imik Neyung ara soko yokaʾ-yokaʾ anam ulinaʾ orok bok, si gegena ponaʾ orokaʾ anyek alsamba ok munaʾ gobdo ulunokaʾ aboka, Kristus pik uboka weboka dobsuk. Nuk wanaʾ ulusuukanya,

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

1 KORINTUS 2:1

Hemyab o, Imik Neyung adya orowek seinibgegemok bok, soko adya dara, ella danggumokaʾ anyek, ugunuk lero yeilisisa sum era, nara meka lelewoka hobyang yuba saboka, onoʾ sokok an geremsengaʾ ulumaknya nedya ella dangoka ugunuk Imik Neyung yuba lel yanggusisa.

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

IBRANI 11:3

Anasa nunja ganya dib senenaʾ adya, ban nidyaʾ im soko ara Imik Neyung yub adya uyiwok senewoka ella ulumab. Wera anedya ban eillilimabaʾ nidyaʾ ara nunda eibnenggunusibyaʾ ak ab uyiwokaʾ ak eillilimab.