1 KORINTUS 11:16 - PERJANJIAN BARU NALCA YUBA

¹⁶ Bok ban nenesa, nimi hnon ban blekel lololabok dara, nub yok Imik Neyung yuba dolomak nim eb dara, yok ununaʾ ara hyak unggulumla.

1 KORINTUS 11:16 Referans Kwoze

1 KORINTUS 7:17

Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

RASUL 21:24

Wenyek dara, Paulus o, anda dombadya nang danyeb neikaʾ anja nong era mek elekdangoka geisa nenebdangoka sikja honga gobsinok aboka, anja siksamba rupiah deknelam. Anadya wera anak lelenjak yub era sondaʾ lelemak, Musa bedya momnya domok yub ek keboka unululadya ok senewagenok bar,” hyek.

RASUL 21:21

Dara wenera, sik Yahudi nim edya kelemak dara, hem Paulus anja Yahudi nimi bok yok sokok ulumak nim ek, Musa bedya momnya domok yuba loblulum aboka neklesil alamak ara, sikda seleb kelemak. Anja adya sikja mabo bokaʾ garanaʾ loboka, yok Yahudi nim edya unulumakaʾ digum ara lobnok aboka neklesilimaʾ ara, sikda kelemak,” hyek.

1 KORINTUS 16:1

Wera rupiah yub ak lebnesin. Ugunja rupiah yokaʾ munaʾ Imik Neyung mab emba mamagoka beillililum ara, Galatia moka yuba dolomak nim ek, nadya wenyasisa yub enyek, sunuwoka pe unuwolulum.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

1 KORINTUS 9:1

Nabeyok ganya doboka, unulunanya unggulumna de? Nara Imik Neyung yuba lenaʾ gaknya unggulumna de? Nara nunja Wenelesilnya Yesus bera seleb eibnenggusinya bek ulumna de? Ugunuk dara, nadya Wenelesilnya bemba wa websaʾ adya, ugun Imik Neyung mabo dangalum nim unggululum de?

1 KORINTUS 9:6

Goma, Barnabas beb nab danyek ok, denaʾ ara, sikbeyok ganya hwiboka eboka deleruruk senelemak de?

1 KORINTUS 11:15

Bok gel ak dara, alja hong era waran dara, alak giginaʾ ulumla. Nera alja hong waran aboka elegemok.