Yudas 1:8 - O GIKIMOI AWI JAJI ma BUKU

⁸ Komagena lo ona la kanaga o orasi manena o dodoto ikokulai yaaho. Ona manga doguruga datotodamato manga sininga masirete yasigaro, so manga dodoto ikokulai gena ka yamotesi so yasifaja de manga nyafusu ma dorou. Ona o Gikimoi Awi kuasa yaholu de o kia bato ikokuasa o sorogaka gena isibicara datorou.

Yudas 1:8 Referans Kwoze

Ibrani 13:17

Ngini nia bobareta idodoto ona magena, bilasu manga sulo niamote de ona niasigise, sababu ona gena kanaga to ngini nia sininga magena yojajaga, de done asa ona manga manara magena bilasu widedemo o Gikimoika la Una wahiri. So ona gena bilasu niasigise, la ona aku o manara magena yaaka de manga nalika. Nakoso ngini niasigisewa, de ona magena asa ka de manga sininga datubuso, de ma duuruka ngini gena asa o loha niamakewa.

1 Petrus 2:17

De bilasu ngini gena o nyawa yangodu niahoromati itiai. De nanga dodiao ma Kristus wipipiricaya ona magena bilasu niadodara. De lo bilasu nia kolano wilalamo niwihoromati, de bilasu ifoloisi niwisihoromati daloha o Gikimoika.

1 Timotius 1:10

De lo ona de manga nyafusu ma dorou de yanau de yanau imasikiidu, de ona o nyawa yatosi la yasiija maro o gilalo, de ona yatotodamatoko, de lo ona manga sasi isigoguule. O demo magena o Gikimoi waaka ma ngale ona magena yaaaka o moi-moi o kia bato imaterowa de o dodoto itotiai.

Rasul 23:5

De o Paulus wotemo, “Ai gianongoru, ngohi towinakowa una magena ma Imam Wilalamo. Igogou, o Gikimoi Awi Jaji ma Buku ma rabaka lo isilefo daboloka, ‘Upa lo ngona ani roriri moi wonipopareta gena nowisimade.’ ”

1 Korintus 3:17

So nakoso o nyawa la kanaga o Gikimoi Awi nyawa manga rimoi gena yabiauka, maro o tahu magena kiaka Una wogogoge gena yabiauka, ona magena asa Una wasisa. Sababu o riho kiaka o Gikimoi wogogoge gena ka datebi, de o riho gena kanaga to ngini nia rohe masirete.

1 Tesalonika 4:8

So nakoso nginika de kanaga o nyawa nagoona la o dodoto moi-moi manena yaholu gena, upa nitemo ona ka o nyawa yaholu, duma o Gikimoi, Awi Gurumi Datetebi wahihikeka lo, Una magena wiholu.

Rasul 7:39

Ngaroko komagena, nanga ete de nanga topora yoholu wisigise o Musaka, so ona lo una wiholu de yosininga o Mesirka, la tanu iliho kali.

Rasul 7:27

Duma o nyawa moi wodudubu magena o Musa wisihitoka, de wotemo unaka, ‘Nagoona nitide la ngona manena nomipareta de nomisidodapano ngomi manenaka.

Lukas 19:14

Duma ma tuangi awi doku ma rabaka kanaga lo o nyawa iwiduhudu unaka. Ato womajoboka, ona iwidoduhudu magena manga nyawa yasulo la itagi ituuruno de isingangasu itemo, ‘Ngomi manena miwiholu o tuangi una magena wodadi mia kolano.’

Dodadi 3:5

Una wanako nakoso o sopo magena niaodo de o orasi magena asa o loha de o dorou nisinako, so done nimaketero dede Una.”

Lukas 12:11

Nakoso ngini iningaho o puji ma bi tahuka, de inikalaki nagoona ipopareta manga simaka, upa lo nimodo ma ngale o kia bilasu ngini nisango.

Lukas 11:25

so maena itemo, ‘Lebelaha ngohi ka toliho totagi o nyawa kiaka towititingaka.’ So ilihoka, ce, o tahu magena ma rabaka o nyawa moi lo yahiwa. O nyawa magena maro o tahu moi la kanaga ma rabaka igogoge o kia naga moi lo ihiwa, isesaka, de ma raba isidiahika so datebi bai!