Yudas 1:6 - O GIKIMOI AWI JAJI ma BUKU

⁶ Bilasu niososiningali o bi malaikat lo idomaka kanaga o sorogaka, ma binuka yamote kawa manga kuasa ma manara o Gikimoino de manga goge o sorogaka lo yodongosaka. O bi malaikat magegena Una wabui o riho dapopuputuka de o rate wasipilikuka so imasose lo yaaku kawa. Kagena wacohono, de itamaha sidago ma wange yaado done asa manga dorou ma sopo wafanggali de o dorou.

Yudas 1:6 Referans Kwoze

2 Petrus 2:4

O bi malaikat ma dorou lo idomaka o Gikimoi wasisa, ena gena waumo de wabui kagena o naraka gena o busune iluluku-luku de dapopuputuka, ma ngale gena itamaha sidago ma wange yaado done asa manga dorou ma sopo wafanggali de o dorou.

Efesus 6:12

Sababu ngone nanga kudoti ma rabaka gena o nyawa pasiholuwa. Duma ngone posiholu o kuasa moi-moi datotorou de ipopareta o ngawa-ngawaka gena o bi kuasa ma jako dangodu, koloko o toka, de o gurumi datotorou, de lo o kia bato o Gikimoi wihoholu.

Matius 25:41

Dabolo de Ngohi asa tatemo o bi nyawa Ai gubalika, ‘Nitagi kasi, ngini gena Ai Baba winikukutuku. Niahika bato nia riho o uku ma sora ikokakali kagena ma rabaka, kiaka wosidodailako dabolo ma ngale o Ibliska de lo awi malaikat-malaikat wimomote.

Matius 8:29

Kagena de manga toka imatoore de itemo, “He! O Gikimoi ma Ngopa, nomidooha ngomika! Migolo, kodo, upa nomisangisara! Ma orasi gena yaado waasi.”

2 Petrus 2:9

Sababu o Jou waaka komagena, so ngini aku nianako igogou-gogou Una gena ka waaku nakoso o nyawa yodupa yaaka o bi moi-moi maro Una wodudupa gena, o sangisara ma rabaka lo wasisupu, de nakoso o nyawa yodupawa yaaka o bi moi-moi maro Una wodudupa gena, wabui ma ngale yodamaha ma wange yaado done manga dorou ma sopo wafanggali de o dorou.

Ibrani 10:27

Nako komagena, de igogou ngone asa pomodo podamaha ma orasi done o Gikimoi nanga loha de nanga dorou ma sopo wahiri gena, pomodo Awi sangisara ngoneka gena imatero maro o uku isora-sora sababu Awi sangisara ilalamo asa wabodito o nyawa ona magena o Gikimoi wihoholu.

Yohanes 8:44

So igogou, o Iblis asa wodadi to ngini nia baba. Komagena so ngini niodupa nisigise de niaaka una awi nyafusu ma dorou. O Iblis ma sininga gena komanena. Ma nonomaka, kanaga una magena wototooma moi. Kanaga awi rabaka o diai moi lo ihiwa, so una woholu o kia naga itototiai wamote. O Iblis gena o damato wodupa so una gena o damato ma baba. So una awi damato gena itoguwa, sababu o damato ma demo gena ka o Iblis ma demo.

Gogelelo 20:10

De lo o Iblis wakokulai una magena asa wiumoku o uku ma talaga ma rabaka, so wisidutupu de o walira. Kugena lo o haiwani ilalago de o nabi wokokulai ona lo yaumo dabolo. Komagena so ona magena o putu de o wange asa yasangisara sidago ka sidutu ikakali.

Matius 10:15

Ngini tinisingangasu igogou, ma wangeka done manga dorou ma sopo o Gikimoi wafanggali de o dorou, de o doku magenaka asa yafanggali de o dorou ifoloisi datorou de o dorou idodomaka o Sodom de o Gomora ma bi nyawa ma dorou manga fanggali.”

Roma 2:5

Duma to ngini nia sininga datogoi so ngini niholu nimatoba de nimatoduba, de Una Awi doosa asa foloi idogo-dogo, sidago ma wangeka done Awi doosa wosimane de o nyawa manga dorou dangodu wafanggali itotiai.

Yudas 1:13

Ona manga manara lo yasimade-madeka, maro o moku-moku dasosihilo irama o teoka so o geko de o reremo yaaho. De ona lo o nyawa yakulai so o Gikimoi lo wimote kawa, maro o bi ngoma so ma dodagi lo itiaiwa. So ma ngale ona magena manga riho kanaga o Gikimoi wosidailako lo daboloka, ena gena o naraka dapopuputuka.

Gogelelo 20:2

So o malaikat magena wotagi watago o naga, eko ma nonomaka gena o ngihia de wisiaso lo o Toka eko o Iblis, una magena de o rate wisipilikuka ma deka o taungu o cala moi gena upa wipalako.