Yudas 1:16 - O GIKIMOI AWI JAJI ma BUKU

¹⁶ O bi guru ikokulai ona magena yodupa imaridemo de ifeto o Gikimoika. De to ona manga dupa masirete gena yamote de yaaka. De lo ma ngale ona manga manara masirete gena imasihie de lo o nyawa yalalago yasisanangi la yabaja ma ngale ona masirete lo aku o loha yamake.

Yudas 1:16 Referans Kwoze

2 Petrus 2:18

Ona gena de manga bicara ma faida ihihiwa ma ngale manga manara masirete gena imasicaralamo, la yabaja o nyawa nagoona kangano asa o dorou yapalako gena yaaka kawa maro manga dodiao manga gogoho datotorou. Ena gena, yasibaja la yaaka o nyafusu ma dorou maro to ona manga ake de manga nao.

2 Petrus 2:10

Ona yabui ma ngale yafanggali de o dorou ma boboloi ona magena ka cawali yosininga manga rohe ma dupa masirete, ena gena manga nyafusu ma dorou yamote so manga sininga dafaja de lo o nyawa yangodu ipopareta gena yasiceke. O guru ikokulai ona magena imacaralamo ifoloi de ibarani so ipopareta o sorogaka gena yasibicara datorou.

Filipi 2:14

O bi moi-moi dangodu nia manara ma rabaka gena, upa ngini nifeto eko lo nimatekesikoholu moi de moika.

1 Petrus 4:2

So ma deka o dunia manenaka nigogogesi, de o nyawa manga dupa gena niamote kawa, de ka cawali o Gikimoi Awi dupa magena niamote.

1 Timotius 6:5

Ona imatekekangamo, sababu ona magena manga siningaka o dorou iwedoka so yanako kawa o dodoto itotiai. Ona manga sininga ma rabaka itemo bilasu o bi moi-moi maro o kia o Gikimoi wodudupa gena yaaka, duma manga edekati ma rabaka cawali ka o pipi yamake.

1 Korintus 10:10

Komagena lo upa ngone pomaridemo, imatero maro idomaka ona ma binuka lo yaaka, de kanaga o malaikat moi wototooma una magena ona watoomaka.

Yudas 1:18

Ona itemo nginika, “Done o orasi ma dodoguka la kanaga o nyawa asa yoholu yaaka o bi moi-moi o Gikimoi wodudupa, duma manga dupa masirete bato magena yaaka de yamote. So ona magena asa yahino de inigagaka de inisiihe nginika.”

2 Petrus 3:3

De o kia naga foloi ilamo so ngini bilasu niososininga, ena gena ma orasi he yadangade yaado ma Kristus wahino kali de o nyawa asa kanaga la manga nyafusu ma dorou o kia bato magena yaaka. Ona magena lo asa yahino de ngini inigagaka de inisiihe,

1 Petrus 2:11

Ai dodiao tinidododara, ngone popipiricaya gena o nyawa ipipiricayawa manga sidongirabaka pogogesi de lo o dunia manenaka maro o nyawa itatagino. So ngohi tinibaja de togolo nginika bilasu nia sininga ma dupa datotorou moi lo upa niaaka, sababu magena isiholu o kia naga nia sininga ma dupa asa niamake o Gikimoika.

Yudas 1:15

Una wahino la ma ngale o bi nyawa yangodu gena manga loha de manga dorou ma sopo wahiri. De lo ma ngale o bi nyawa la kanaga yodupa yaaka o bi moi-moi Una wodudupawa, ona manga dorou de manga demo lo iwisihoholu, ona magena asa wafanggali de o dorou.” Komagena o Henokh idomaka wodedemo o Gikimoi done asa wafanggali de o dorou o nyawa, nakoso yodupa yaaka o bi moi-moi Una wodudupawa.

1 Petrus 1:14

O Gikimoi wotemo ngini gena to Una Awi ngopa-ngopa masirete, komagena so bilasu ngini niwisigise daloha. Upa sidago o dorou gena niodupa niaaka, maro idomaka o habari daloloha ma ngale o Yesus Kristus gena nionako waasi so o dorou niodupa niaaka.

Galatia 5:16

So ngohi tinidedemo nginika, maro o Gikimoi Awi Gurumi winidoto de winisiminiko nginika gena, bilasu ngini niaaka nikaeli. Nako niaaka komagena, de nia sininga ma rabaka o dorou ma dupa moi lo he niaaka kawa.

Yohanes 6:61

Ngaroko Una gena to ona manga bicara woisewa, duma Una Awi nyawa wimomote manga ridemo gena wanakoka, so onaka wotemo, “Nagala Ai demo kanena naga niiseka so nia sininga gena asa isusa, so he nidupa kawa Ngohi nimote?

2 Timotius 4:3

O demo moi-moi talelefoka magena bilasu naaka, sababu ma orasi asa imasidiado de o bi nyawa asa o dodoto itotiai gena isigise kawa, duma ona manga edekati gena o kia bato ona yodupa magena isigise. So ona asa o bi guru ikokulai yangaho de yasingosa la o bi guru magena isingangasu yamote to ona masirete manga nyafusu ma dorou, sababu o moi-moi magena manga siningaka yadahe so ona lo yodupa yasigise.

1 Tesalonika 4:5

So upa ngini nia rohe niaaka la ngini o nyafusu ma dorou niamote, maro o nyawa o Gikimoi iwinanakowa gena ona yaaka.

Galatia 5:24

De o Yesus Kristus Awi nyawa ona magena o dorou ma dupa moi-moi kanaga manga sininga ma rabaka gena dangodu yaaka kawa, maro o nyawa la kanaga yasangahadika so yooho kawa.

Yohanes 6:41

De ona magena yoiseka to Yesus Awi demo de Awi demo magena ma ngale, so ona imaridemo sababu Una wotemo idomaka, “O roti o Gikimoino magena ka ka Ngohi masirete, ena gena Ngohi o sorogano tokahino.”

Lukas 19:7

Ma orasi o nyawa yangodu yakelelo igogou o Yesus wotagi o Zakheus awi tahuka, de ona magena imaridemo yotemo, “Awadede! Una wotagi wikurumi o nyawa ma dorou moi awi tahuka.”

Lukas 15:2

Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”