Yohanes 9:6 - O GIKIMOI AWI JAJI ma BUKU

⁶ Komagena wobicara daboloka, de Una o tonaku wahobi de to Una Awi kibi o tonaka sutu wadehe asa wosicapuka, de wosipalasa wopipilo awi lakoka.

Yohanes 9:6 Referans Kwoze

Markus 8:23

Magena de o Yesus o nyawa wopipilo una magena iwituda so wisisupu o doku ma duduka. La o Yesus to Una Awi kibi wisipurai awi lakoko de Awi gia wosipada de wisano, “Nomasigeleloka?”

Markus 7:33

So kagena de Una iwitinga o nyawa yadadalano, de Awi raraga o nyawa una magena awi ngauka wosiguruto de Awi kibi wosipalasa o nyawa gena awi ladeka.

Gogelelo 3:18

So Ngohi todupa tanu ngini Ngohika o guraci ma duhutu nimaija, la ma ngale ngini igogou nikaya. Bilasu Ngohika lo o baju daaare nimaija ma ngale nimasitiba, la upa sidago nimawatoka de aku nisimade. De hika la o sou nimaija Ngohika ma ngale nia lako ipipilo nisisou, la aku ngini igogou nimasigelelo kali.

Yohanes 9:11

So kagena de una wotemo onaka, “Kangano o nyawa moi kanaga Awi ronga gena o Yesus, Una magena waaka. Ena gena, Una o tona wadehe de wosicapu, daboloka de Una wosipalasa ai lakoka. So daboloka, de woisulo ngohika wotemo, ‘Hika notagi o Siloam ma ke ma lepaka, la de o ake magena ani bio nosimasau kasi.’ So ngohi totagi de ngohi taaka maro Una wobobeseso ngohika, ai bio de o ake magena tosomasau, kagena de asa aku tomasigeleloka.”