Yohanes 8:6 - O GIKIMOI AWI JAJI ma BUKU

⁶ Komagena ona de manga gulai yahino Unaka, sababu ona manga edekati gena asa Una iwisabatolo, la ma ngale ona aku iwikalaki Una o Gikimoi Awi bobita o Musa wosilelefo gena walawangi. Duma Una asa wobicarawa de ka womapuguku de Awi raraga o tonaku wosilelefo.

Yohanes 8:6 Referans Kwoze

Lukas 10:25

Kanaga manga sidongirabaka o guru agama moi awi edekati ma ngale o Yesus iwisisala de o sosano moili, de wotemo, “Baba Guru, ngohi bilasu o kia taaka la tamake o oho ikokakali.”

Matius 19:3

O Farisika ma nyawa yamuruo naga yahino kali, de manga edekati Una Awi sala yasari so itemo, “Mote nanga agama ma bobita, aku o nyawa manga pedeka yaholu, ngaroko ma sababu ka ma cunu?”

1 Korintus 10:9

De lo upa sidago ngone o Jou gena powidahake, imatero maro idomaka ona ma binuka lo yaaka, de kanaga o bi ngihia ona yagolika.

Markus 10:2

O Farisika ma nyawa yamuruo naga yahino kali, de manga edekati Una Awi sala yasari so itemo, “Mote nanga agama ma bobita, aku o nyawa manga pedeka yaholu?”

Markus 8:11

O Farisika yamuruo naga yahino kali o Yesuska, so imatekekasango de Una ma ngale o dorouku wisitura, so yogolo Una o nonako ihahairani wosikelelo la ona aku yanako igogou Una o Gikimoi wisulo so wahino.

Matius 26:63

Duma Una womarihika bato. La ma Imam Wilalamo wisano kali Unaka, “De o Gikimoi woooho Awi ronga, nosingangasu ngomino! Igogou, Ngona o Salamati ma Kolano de o Gikimoi ma Ngopa?”

Matius 22:35

Manga sidongirabano o guru agama moi wahino o Yesuska, de ma ngale Una iwisabatolo de o sosano moili, de wotemo,

Matius 22:18

Duma o Yesus wanako to ona manga edekati ma dorou so wotemo ona magenaka, “Awadede, ngini nikokulai! Dadoohaso Ngohi nisabatolo.

Matius 16:1

O Farisika de lo o Sadukika yamuruo naga yahino o Yesuska, de manga edekati Una Awi sala yasari. Ona igolo Unaka itemo, “Hika naaka o manara maro o nonako moi o dipaka gena igogou Ngona nisihino o Gikimoino.”

Matius 15:23

Una he womisangowa. So Awi muri-muri gena yahino Unano de yotemo, “Baba, tanu nomisulo o ngopedeka magena motagika, sababu mototuuru nanga duduno de momatotoore.”

Matius 10:16

“Nimasidodiahi, sababu Ngohi tinisulo nginika la nitagi niakahika o bi nyawa ma dorou manga sidongirabaka. Ngini nimatero maro de o bi duba so kanaga o bi kaso labara ma dongirabaka. Mutuwade ngini gena bilasu nicawaro maro o ngihia, de lo nia sininga damuudu de nia edekati ma dorou ihiwa maro o namo dara.

Dodadi 49:9

Ai ngopa Yehuda, ani buturu maro o singa ngo ma nau, ma ino ngo yatago, yaodo de iliho. O talaka imasiwoma imaidu imawuli upa sidago lo patigi komagena ani lawangi nimodo ngonaka.

Yohanes 8:2

Ma goginitano eko he daginita, de Una asa wotagi kali o Gikimoi Awi Tahu ma lolohaka, de kagena o nyawa yadadala kanaga Una widolomuno. So Una womatamiye de ona iwisidodolomuno gena asa wadoto.

Lukas 11:16

De lo kanaga ma binukali yodupa o Yesus iwidahake de ma ngale o dorouku wisitura, so yogolo Una o nonako ihahairani wasikelelo la ona aku yanako igogou Una o Gikimoi wisulo so wahino.

Markus 12:15

Duma o Yesus wanako to ona manga sihaga so wotemo ona magenaka, “Awadede! Dadoohaso Ngohi nisabatolo. Hika niaahono o pipi ngai moi la Ngohi tanano.”

Markus 3:2

O wange magegena o Sabat ma wange, so kagena de o bi Farisika iwinanano nakoso o Yesus asa o nyawa magena wisiloha, eko hiwa. Manga edekati Una iwitailako de Awi sala yasari la iwikalaki.