Yohanes 8:43 - O GIKIMOI AWI JAJI ma BUKU

⁴³ Ai demo magena ngini nisihodawa, sababu Ai demo gena ngini lo nisigise niholu.

Yohanes 8:43 Referans Kwoze

Yohanes 5:43

So o orasi manena Ngohi tahinoka de Ai Baba Awi kuasa, duma ngini gena Ngohi niholu. De o nyawa ma somoa nakoso ona yahino, ngaroko de ka manga kuasa masirete, duma ngini gena niadehe daloha.

Yohanes 7:17

De ngini aku nianako igogou to Ngohi Ai dodoto gena ma sihino o Gikimoino. Sababu nagoona bato, nakoso ona magena yodupa o Gikimoi Awi dupa yamote, de ona magena aku yoise o kia naga Ngohi tadodoto gena asa yanako igogou magena o Gikimoino, so upa itemo Ngohino.

Rasul 7:51

So, ai gianongoru, ka cawali ngini manena gena igogou nia sahe datogoi de nia ngau datopongo, de nia sininga ma rabaka o Gikimoi niwiholu bai! Ngini manena koloko to ngini nia ete de nia topora o orasi isigeto-geto o Gurumi Datetebi iwisigise iholu, komagena lo ngini.

Yohanes 6:60

Duma o Yesus Awi dodoto yoiseka, de o nyawa Una wimomote yadadala imatekebicaraka itemo, “Icala! Awi dodoto manena ma ngale gena foloisi datubuso. Nagoona moi o dodoto datotubuso maro komagena yaaku yosigise. Igogou, o nyawa nagoona bato yaakuwa yosigise bai!”

Yohanes 8:27

To Una Awi demo ma meta gena ma Baba Gikimoi, duma ma ngale gena ona yanakowa.

Roma 3:11

O nyawa moi lo yaakuwa ma ngale o Gikimoi wisihoda itiai. O nyawa moi lo yadupawa igogou iwinako Una.

Yohanes 5:25

Igogou-gogou iteka kawa, de ma orasi asa imasidiado, ena gena o nyawa isosoneka ona yangodu asa Ngohi o Gikimoi ma Ngopa Ai ili yoise. De nakoso Ngohi isigise gena, ona asa yamake o oho ka sidutu ikakali.

Yohanes 8:33

De ona itemo, “Asitagala! Ngomi gena o Abraham awi ngopa de awi danoku. O nyawa moi lo waasi ngomi imiaka maro to ona manga gilalo yapopareta. So ma sababu o kia, so Ngona notemo, ngaroko, idodooha naga done asa ngomi imipalako.”

Yohanes 8:39

De ona asa Una wisango, “O Abraham gena mia baba.” So Una wotemo onaka, “Nako igogou ngini gena o Abraham awi ngopa-ngopa, ngini nia manara gena bilasu itiai maro o Abraham awi manara.